Pexes lorin es un grupo de sirca 95 spesies de pexes de la familia Scaridae, e es la ricia la plu grande de spesies en la Indo-Pasifica.
Los es trovada en resifes coral, costas rocosa, e letos de erba marin, e pote ave un rol sinfiante en bioerode.
Pexes lorin es nomida per sua dentes, cual es diferente de otra pexes. Sua multe dentes ia es ordinada en un mosaica streta plenida a la surfas esterna de sua mandibulas, forminte un beco simil a la loris e papagaios con cual los pote raspa alges de coral e rocas.
Alga spesies de pexes lorin secrete un cocon mucosa, spesial a note. Ante adormi, alga spesies produi muco de sua bocas, cual forminte un cocon protejente cual envelopa la pex, oscur sua odor de predores posible.
La plu de pexes lorin es erbivores, comente xef la alges. Un varia de otra organismes peti es a veses comeda, incluinte nonvertebratos, bateria, e detrito. Alga spesies grande come sola coral vivente.
La developa de pexes lorin es complicada e acompaniada par un serie de cambias en seso e color. La plu de spesies es androjine, comensante como femas (conoseda como la fase prima) e alora cambia a mases (la fase final). En la plu de spesies la fase prima es brun, gris, o roja sombre, cuando la fase final es un verde o blu vivin, con manxas jala, orania, o ros briliante. Jovenes ave plu comun colores diferente de adultes. En alga spesies tropical, jovenes pote cambia sua colores tempora per imita otra spesies.
This article uses material from the Wikipedia Lingua franca nova article Pex lorin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.