Эмирван

Хуьр Кьвепеле райондин кьиблединни — рагъакӀидай пата, райондин кьилин шегьер тир Кьвепеле шегьердилай 16,5 км яргъал чка кьунва. Эмирван хуьр, Кьвепеле райондинни Исмаилли райондин тӀебиатдин сергьят арадал гъанвай Гекчай вацӀун чапла къерехда, асул яз тамунни суван чкада алайди я.

Ч.э.в. II виш йисуз и хуьр алпанрин халкьар яшамиш жезвай чка тир. Ина гилани алпан девирдиз талукь тир тарихдин чкаяр ава, мисал патал, дегь алпан сур. Адалай ахпагьан чӀавара иниз эрменияр куьч хьана ацукьнавай. Амма Суван Къарабагъдин гьуьжетдилай кьулухъ хуьре авай эрменийрин вирида хуьр гадарна хъфенвайвиляй алай чӀавуз хуьруьн агьалийрин вири лезгийри туькӀуьрзава.

Алай чӀавуз хуьруьн 260 кьван кӀвале 1548 кас яшамиш жезва. Вири лезгияр, суни — мусурманар я.

Вилик хуьруьнвийрин асул кӀвалах малдарвал, кьетӀендаказ хперхъанвал тир. 20 виш йисан сифте кьилера, СССР гьукумдин чӀавуз хуьре «Самур» колхоз кардик квай. А колхозда ксари хперхъанвилелай гъейри, туьтуьн ва къуьл цунин крарал алахънавайди тир.

Эмирванвияр лезги чӀалан ахцегь нугъатдал рахазва, амма азербайжандин гьукуматди лезги чӀал вилик тухудай ихтияр гузвачирвиляй ва лезгияр азербайжанарихъ галаз акадрунин политикадин куьмекдалди хуьре лезги чӀалан гьалар йисар къвез - къвез канда жезва.

Хуьре са мискӀин, кьве мектеб кӀвалахзава. Мектебра кӀелзавайбуру чирвилер азербайжан чӀалал къачузва, лезги чӀал анжах 8 — 9 классрал кьван кьилдин тарс хьиз гузва.

• Amirvan: Azerbaijan  (инг.)