Салиян (урус. Сальян) — Дагъустан республикадин СтӀал Сулейман районда авай, «Испикрин» хуьруьнсоветдик акатзавай хуьр.
Хуьр
|
Хуьр СтӀал Сулейман райондин кьибледа, райондин юкь тир Кьасумхуьрелай кьибле патаз 5,5 км яргъал чка кьунвайди я. Мукьвал алай хуьрер: Асалдхуьр, Испик, ЦӀийи Испик.
Хуьруь бине кьунвай тарих малум туш. Хуьруьнвияр малдарвилив ва лежбервилив алахънавайди тир. Салиянра Стаханован тӀварунихъ галай совхоз авай. ЧӀехи Ватандин дяве чӀавуз фронтдиз 24 кас рекье гьатнай, абурукай анжах кьуд кас элкъвена хтанай.
1966 йисалай кьулухъ салиянвийрин зур пай ЦӀийи Испикриз, муькуь пайни Кьасумхуьруьз, Кьулан СтӀалриз ва Дербентдиз куьч хьанвай.
XIX виш йисуз Сийидар вири Куьре округдихъ галаз Урусат империядин гъилик акатзава. Империядик квай чӀавуз, хуьр Дагъустан вилаятдин Куьре округдин Гуьней наибвалдиз талукь тир. Арал ва гилан Мегьарамдхуьруьн райондин Махмудхуьр ва ЦӀелегуьн хуьрерихъ галаз Махмудхуьруьнжемятдик акатзавай.
Алай чӀавуз хуьре 18 майишатар гваз 62 кас яшамиш жезва. Агьалидин вири лезгияр, суьнни - мусурманар я. 1886 йисан агьалияр сиягьдиз къачунин нетижайрин малуматрив кьурвал, хуьре 39 майишатар авай, агьалийрин кьадар 173 кас тир.
This article uses material from the Wikipedia Лезги чІал (Lezgi č’al) article Салиян, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Къене авайбур CC BY-SA 4.0 лицензиядалди гъил агакьдай я (муькуь затl къалурнавачтlа). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Лезги чІал (Lezgi č’al) (DUHOCTRUNGQUOC.VN) is an independent company and has no affiliation with Wiki Foundation.