Georgius Norbertus Klopp (Stutgardiae natus die 16 Iunii 1967) est pristinus pedilusor Germaniae.
In suo activo cursu colludebat puta pro Eintracht Frankfurt et praesertim pro 1. FC Mainz 05. Positionem suam saepe mutavit, ut fuerit et oppugnator et medius et defensor. Activi cursus finem faciens anno 2001 pedilusor statim exercitator turmae Mogontiacensis factus est. "Kloppo", quem ad modum saepe appellatur, ut exercitator primus hanc turmam in Bundesligam Primam duxit sic reliquit eam anno 2008, quia, cum descendisset in Secundam Bundesligam, in Primam rursus ducere nequivit. Tum exercitator societatis Borussia Dortmund septem annos erat et cum ea certamen Bundesligae bis vicit, semel poculum foederationis pediludii Germanici (DFB-Pokal) praemium tulit. Propter illos successus, quos antea nemo possibiles putaverat, usque ad hunc diem in Dortmund valde celebratur vel potius amatur, etsi nunc fungitur officio exercitatoris et administratoris anglosaxonicae turmae Liverpool FC (verbo anglosaxonico "Manager" ambo officia contineri solent). Hic maximum cursus sui triumphum victoriam Campionatus Europaei (UEFA Champions League) anno 2019 adeptus est. Georgius Klopp, postquam dimisit uxorem priorem e matrimonio, ex qua habet filium Marc, secundam coniugem Ullam in matrimonium duxit.
Vicimedia Communia plura habent quae ad Georgium Klopp spectant. |
Haec stipula ad biographiam spectat. Amplifica, si potes! |
This article uses material from the Wikipedia Latina article Georgius Klopp, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.