Snaefell (Norsek koth snjœ-fjall/snjó-fall – menydh ergh; Manowek: Sniaull) yw an menydh ughella yn Enys Manow ha’n unn bleyn dres 2000 tros-hys war an enys.
Yma gorsav hyns-horn, bosti ha niver a wernow keskomunyans war an bleyn.
Sort | menydh |
---|---|
Doronieth | |
Rann a'n re a sew | Ynys Manow |
Konteth | Ynys Manow |
Gwlas | Ynys Manow |
A-ugh an mor | 621 Meter |
Kesordnogyon | 54.263288°N 4.461618°W |
Kod OS | SC3977488087 |
Sevyans | 2,037, 621 Meter |
Lavar koth yn Enys Manow yw y hyllir gweles hwegh myghterneth a Snaefell: Enys Manow, Pow Sows, Iwerdhon, Alban, Kembra ha’n nev. Nebes versyons a geworr seythves myghterneth, Manannán po’n mor. Yn apert, an gwel a greg war weladowder ha’n gewer. Leghen war an bleyn a dhiskwedh tu ha pellder pymp poynt a Snaefell:
(Rag neb reson, nyns usi Kembra war an leghen).
Hyns-horn Menydh Snaefell a yskyn an menydh yntra mis Ebrel bys dhe vis Hedra a Laksaa dhe’n penn.
Fordh an A18 a dremen lethrow Snaefell, ha hemm yw an ughella rann a hyns resow TT Enys Manow. Kerdhoryon a wra devnydh a’n trolergh garow a’n park kerri war an fordh ma ogas dhe orsav hyns-horn Bengalji. An trolergh a dremen grow, legh, gwels ha karrek war y fordh dhe'n topp. Nyns yw res krambla ha’n kerdh a gemmer ogas dhe 45 munysen.
Desedhys yw koloven drigonometrek war benn an menydh. Yma men kedhlow war benn karnedh yn ogas.
Yn 1970, gorsav gewer awtomatek penn Snaefell a rekordyas hwaff a 150 mildir an our. An tooth ma yw onan a’n moyha rekordys bythkweth y’n Enesow Bretennek. 2 Kevardhu 1966, ha’n gwyns ow trehedhes krevder trowyns, gwernen radyo Awtorita Ayrennans Civil a veu distruys.
This article uses material from the Wikipedia Kernowek/Karnuack article Snaefell, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kavadow yw an tekst yn-dann CC BY-SA 4.0 marnas avisyes yn ken maner. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kernowek/Karnuack (DUHOCTRUNGQUOC.VN) is an independent company and has no affiliation with Wiki Foundation.