Krug a rew gorherys gans gweres yw pyngo (pingo yn Sowsnek hag yn Kembrek ynwedh) a gevys yn ranndirow Arktek, isarktek hag Antarktek.
Y hyllons bos mar veur avel 2 km a-dreus gans ughelder a 70m. Styr an hanow yw bre isel y'n yeth Inuit. Tirfurv amalrewlyvel yw pyngo.
Onan a'n ranndirow gans an moyha niver a byngoyow war an Norvys yw Tuktoyaktuk yn Delta Mackenzie, Tiredhow an Gledh-West, Kanada. Yma a-dro dhe 1,300 anedha ena. Yma lower yn Alaska, Greunland, hag Enys Spitsbergen yn Norwy ynwedh. Yma remenans a byngoyow koth y'n Iseldiryow, ryb Zwaagwesteinde yn ranndir Fryslân, hag yn ranndirow Drenthe ha Groningen.
Yma ensamplow y'n Ruvanieth Unys ynwedh, yn arbennek yn Norfolk ha Kembra West.
Furvyes yw pyngoyow pan wrello dowr y'n gweres rewi. Y trehav an gweres dhe wul bre gans kolon a rew. Pan deudho an rew, gesys yw pans yn y le.
Yma'n erthygel ma owth usya an Furv Skrifys Savonek a-barth Kernowek kres.
This article uses material from the Wikipedia Kernowek/Karnuack article Pyngo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kavadow yw an tekst yn-dann CC BY-SA 4.0 marnas avisyes yn ken maner. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kernowek/Karnuack (DUHOCTRUNGQUOC.VN) is an independent company and has no affiliation with Wiki Foundation.