Neyj Efanvos

Neyj efanvos a yll hwarvos gans tus y'n lester po hebdha.

Ensamplow a lestri efanvos may hwrello tus viajya warnedha yw lestri Soyuz russek, Gwennel an Efanvos amerikanek ha Gorsav Keswlasek an Efanvos. Dhe'n kontrari, ensamplow a lestri heb tus yw kropyansow efanvos a neyj dhe efanvos pella ha lorellow a resek a-dro dhe'n Norvys po planettys erel. I a yll bos awtomatek po rewlys gans radyo dhyworth an Norvys.

Neyj efanvos yw usys rag hwithra'n efanvos kepar ha viajys dhe'n Loor po planettys erel y'n Kevreyth Howlek. Neyl efanvos a yll bos usys rag tornyaseth ha keskomunyans lorell. Neyj efanvos a dhalleth gans lonch fusen, a ro nerth lowr may hallo an lorell mos yn-mes a'n ayrgylgh ha resek a-dro dhe'n Norvys. Unnweyth yma an fusen y'n efanvos, gwriansow an fusen yw mirys ha studhys gans godhonydhyon. Nebes fusennow a wort y'n efanfos bynytha, re erel a derr dhe demigow pan wrellons dehweles dhe ayrgylgh an Norvys. Nebes lestri efanvos yw gwrys rag tirya war blanettys erel. Pub lester a syns tus yw gwrys rag tirya war dhelergh war an Norvys, ow kul devnydh a lammlennow.

An 3a a vis Hedra, 1942, fusen almaynek V-2 a dremenas an linen Karman, 100km a-ugh an nor. Hemm o a neyj efanvos kynsa. An lorell greftus kynsa dhe resek a-dro dhe'n Norvys o Sputnik 1, lorell sempel a Russi, 4a Hedra, 1957.

Lestri awtomatek heb tus a gomprehend lorellow keskomunyans, pellwelloryow efanvos, kropyansow efanvos ha gwandrysi planetek.

• 
  Lonch fusen russek Proton
• 
  Gwennel an Efanvos owth lonchya
• 
  Gorsav Keswlasek an Efanvos
• 
  Kropyans efanvos New Horizons eth dres Plouton
• 
  Gwandryas planettek Curiosity war an planet Meurth
• 
  Pellweller Efanvos Hubble

Onan a'n mil erthygel posekka war Wikipedya yw an erthygel ma.