Yn keweronieth, gorthtro dempredh yw varyans dhyworth chanj normal tempredh gans ughelder.
Dell yw usys, an kevradh chanj adiabatik a styr tempredh an ayr dhe lehe gans ughelder y'n troposfer. Yn gorthtro dempredh, ayr tomm a hwer a ugh ayr yeyn.
Mog lettys gans gorthtro dempredh yn Lochcarron, Alban | |
Ensampel a | studh an ayrgylgh |
---|---|
Klass | gradhyans tempredh |
Restrennow kelmys war Gemmyn Wiki |
Gorthtro dempredh a syns defolyans ayr, avel mogniwl, ogas dhe'n nor. Gorthtro ynwedh a yll lettya dardhegyans, owth oberi avel "gorher". Mar kwrello'n "gorher" terri, dardhegyans a'n glybor yn yr ayr a yll kawsya tewydh taran drog. Yn hinyow yeyn, gorthtro dempredh a yll kawsya glaw rewys.
Yn Kernow, an chif acheson rag furvya gorthtro dempredh yw gwaskedh ughel. Hemm a leha krefter gwynsow a allsa distrui an worthtro. An estrik a gomolennow a styr tempredhow dhe godha, ha drefen hemma, an ayr a segh ha tommhe. An nivel a ayr tomm a yll oberi avel "gorher" ha synsi ayr yeyn war woles an nans. Y'n fordh ma an worthtro a furv.
Gorthtroyow yw moyha kemmyn y'n gwav pan vo niwl synsys y'n ayr a-is, mes i a yll hwarvos neb termyn a'n vledhen.
This article uses material from the Wikipedia Kernowek/Karnuack article Gorthtro dempredh, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kavadow yw an tekst yn-dann CC BY-SA 4.0 marnas avisyes yn ken maner. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kernowek/Karnuack (DUHOCTRUNGQUOC.VN) is an independent company and has no affiliation with Wiki Foundation.