Getter Jaani

Genys ha megys veu Getter yn Tallinn. Yn 2015, hi a radhyas a skol nos ow kavos diplomen skol ughel. Hy hendasow yw estoniek ha russek.

 

Y teuth Jaani ha bos aswonnys yn poblek kyns oll yn 2009 avel kesstrifer yn seson 3 a Eesti otsib superstaari, versyon estoniek a Pop Idol. Hi a worfennas y’n peswora savla, hag awosa hi a gavas rann Sharpay Evans yn versyon estoniek a High School Musical.

Hi a ganasedhas Estoni y’n Kesstrif Kanow Europek yn 2011 gans an gan "Rockefeller Street". An gan a dhrehedhas savla 24 y’n pennwari. Y’n keth bledhen, hi a gemeras rann avel kesstrifer goraswonek yn Tantsud tähtedega, versyon estoniek a Dancing with the Stars.

Yn 2012, Jaani a gomendyas an skorys a-barth Estoni dhe bennwari Kesstrif Kanow Europek yn 2012 yn Baku, Azerbayjan.

Yn 2013, Jaani a warias rann Sandy y’n ilowari Grease.

Kan Jaani ‘Rockefeller Street’ a dheuth ha bos ‘meme’ kesrosweyth. Hemm a hwer wosa gwydhyow a dus nihonek ow kwari versyon ‘nightcore’ a’n gan dos ha bos gerys-da war vedia socyal. I a donsyas dhe’n gan yn unn usya an gwari resyas ‘osu!’, hag aga gwayansow a dheuth ha bos gerys-da war TikTok hag YouTube. Ynwedh, an gan wreydhek o yn E♭ minor ha’n versyon nightcore yn G minor, spedys veu gans 1.25x. Yn medh Jaani yn 2019 war bellwolok estoniek ETV, "Pan glewis vy an versyon nowydh, hag yw lower uskissa, an Rockefeller Street gwreydhek a hevel avel hungan."

Plasennow hir

EPow

• 2010: Parim Päev EP (Moonwalk)
• 2011: Jõuluvalgus

Senglow

• "Rockefeller Street" (2011, yn fyw)
• "Talveöö" (2011, yn fyw)
• "NYC Taxi" (2012)
• "Sulle, kes sa kaugel" (2012, yn fyw gans Koit Toome)
• "Kes on süüdi" (2013)
• "Meelelahutajad" (2013)