George Pawley White

Genys veu yn Pennsans yn 1907, unnik mab dhe eyl dhemedhyans William John White, akontyas arghantti, ha’y wreg Ada Jane Pawley. Yth esa tri hanter broder ganso dhiworth an demedhyans kynsa. Yth eth dhe skol Humphrey Davy yn Pennsans.Ev eth ha bos organydh Chapel Mehodek Richmond pan 12 bloodh. Wosa gasa skol ev a oberas avel klorek yn Arghantti Bolitho yn Pennsans. Erbynn 1939 klorek arghantti ova yn Lannstefan. Y’n keth bledhen ev a dhemedhis Ethel Maud Udy Rosevear yn Pennsans. I a gavas mab, Martin. Pawley White eth ha bos dyghtyer arghantti wosa henna.

Wosa gul servis kenedhlek y'n Ayrlu dres Nessa Bresel an Bys yn Eynda, ev a dhehwelas dhe Gernow, ha dalleth dyski Kernewek. Ev a veu berdhys yn 1947 gans an hanow Gunwyn warbarth ha’y wreg (Rosvur). Mernans Gunwyn a verkyas diwedh oos. Ev o an bardh diwettha dhe aswon Henry Jenner, a veu deskrifys ganso o bos haval dhe semlant Moyses.

Ev o onan a’n fondyoryon Mebyon Kernow yn 1947, hag ev a veu aga alhwedhor lies bledhen. Ev a servyas avel Bardh Meur a-dhia 1964 dhe 1970. Pregowther leg o dhe’n eglos Methodek. Ev re dhallathsa pregowtha yn 18 bloodh.

Yth esa bern meur dhodho yn materyow istorek ha’y lyver A Handbook of Cornish Surnames yw gerys da hwath. Ev o Islewydh Fondyans Riel Kernow, hag Islweydh pur skodhus a Gowethas Istorek Methodek Kernow. Lyver aral skrifys ganso o A Half-Century of Cornish Methodism, 1925-1975. Golegydh o a Lyver Hymnow ha Salmow Kernewek.

Ev a vysytyas Ostrali niver a weythyow, ow kemeres rann yn lies Kernewek Lowender ha pregowtha yn servisyow ena.