Нестерова Нина Александровна
Шаблон:Серпасыс абу
| Нестерова Нина Александровна | |
| Чужан лун: | 1965-ӧд вося урасьӧм тӧлысь 18-ӧд лун |
|---|---|
| Чужанін: | |
| Кулан кад: | 2017-ӧд вося ӧшым тӧлысь 21-ӧд лун (52 арӧс) |
| Куланін: | |
| Канму: | |
| Мыйся уджыс: | |
Нестерова Нина Александровна (1965—2017) — коми историк, общественнӧй да каналан удж вӧчысь.
Олан туй
Нина Нестерова чужӧма 1965 вося урасьӧм тӧлысь 18 лунӧ Кӧрткерӧс сиктын. 1987 воын помалӧма Коми канмуса педагогика институт, босьтӧма «Физика и математика» специальносьт серти диплом. 1987—1980 воясӧ велӧдӧма математика Кӧрткерӧс районса Каляты шӧр школаын. 1988—1991 воясӧ секретаралӧма ВЛКСМ-лӧм Кӧрткерӧс райкомын. 1991—1992 воясын вӧлӧма Кӧрткерӧс райисполкомын том йӧз делӧяс серти отделса веськӧдлысьӧн. 1992—1993 воясын Том йӧзлӧн Коми котырса рескомын организационнӧ-общӧй юкӧнын веськӧдлысь (Сыктывкар). 1993 воын — Коми Республикаса том йӧзлӧн канму комитетын медшӧр специалист.
1995 воын помалӧма Рытыв-Войвыв канму службаӧ велӧдан академия («Канму да муниципальнӧй веськӧдлӧм»).
1993—1997 воясын — Коми Республикаса национальносьтъяслӧн делӧяс серти министерствоын ведушӧй да медшӧр специалист. 1997—2000 воясын — Коми Республикаын Россия Федерацияса Президентлӧн полномочнӧй представитель аппаратын специалист-эксперт (Сыктывкар).
2001-ӧд восянь 2010 воӧдз уджалӧ Сыктывкарса канму университетын: фин-йӧгра пакультетса регионоведение кафедраын старшӧй преподаватель да кафедраса веськӧдлысьлысь уджвӧчысь, деканлысь уджвӧчысь; содтӧд профессиональнӧй велӧдчӧм институтын социально-культурнӧй сервис да туризм шӧринын веськӧдлысь; экономика да сервислӧн менеджмент кафедраын доцент, веськӧдлан пакультетса деканӧс вежысь; университетса международнӧй юкӧнын начальник.
2010—2011 воясын вӧлӧма Коми Республикаса велӧдӧм министрӧс вежысьӧн.
2011 восянь веськӧдлӧ Канму службаӧ да веськӧдлыны велӧдан Коми Республикаса академияӧн: медводз ректорлысь уджвӧчысь, а сэсся ректор.
2015 вося кӧч тӧлысьӧ пырӧдчӧма республикаса парламентӧ бӧрйысьӧмъясӧ да лоӧма VI созывса депутатӧн. 2015 вося йирым тӧлысь 15-ӧд лунӧ сійӧс бӧрйӧмаӧсь Коми Республикаса Каналан Сӧветын оланпас да асвеськӧдлан комитетса веськӧдлысьӧн.
Кулӧма Петыркарын 2017 вося ӧшым тӧлысь 21 лунӧ. Сыктывкарын колльӧдчӧм бӧрын гуалӧма Кӧрткерӧс шойнаын ӧшым тӧлысь 25-ӧд лунӧ.
Общественнӧй удж
Уна во чӧж вӧлі пырӧ «Коми войтыр» ӧтмунӧмса Исполкомӧ, Коми Республикаса вужвойтыр аньяслӧн котырӧ.
Наградаяс
Бур уджысь сетӧма Коми Республикаса велӧдӧм министерстволысь Почёт грамота (2011), Коми Республикаса Почёт грамота (2013), Туризмысь федеральнӧй агентствоса Почёт грамота (2013), «Коми Республика водзын уджысь» торъялана пас (2015), Коми Республикаса каналан сӧветлысь Аттьӧалӧм (2017).
Ӧшмӧсъяс
Ыстӧдъяс
This article uses material from the Wikipedia Коми article Нестерова Нина Александровна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.