Шаблон:Серпасыс абу
Шебырев Александр Васильевич | |
Чужан лун: | 1960-ӧд вося ода-кора тӧлысь 28-ӧд лун (63 арӧс) |
---|---|
Чужанін: | |
Канму: | |
Мыйся уджыс: |
Александр Шебырев чужӧма Кулӧмдін районса Пожӧг сиктын 1960-ӧд вося ода-кора тӧлысь 28-ӧд лунӧ. 1977-ӧд воын помалӧма Пожӧгса школа. Армия бӧрын 1981—1986 воясӧ велӧдчӧма Ӧнія гуманитарнӧй академиялӧн Сыктывкарса юкӧнын экономика факультетын. Уджалӧма юрисконсультӧн «Пожӧг» совхозын. 1988 восянь 15 во вӧлi журналистикаын: корреспонденталӧма, веськӧдлӧма отделӧн, вӧлӧма шӧр редакторӧс вежысьӧн «Ленин туйӧд» (бӧрынджык — «Парма гор» газетын.
Ӧні олӧ Помӧсдінын, туялӧ чужан му (юрнуӧдіс Тима Вень музейӧн да школаса краеведческӧй музейӧн).
Александр Шебырев ёнджыкасӧ тӧдса кыдзи поэт. Ассьыс кывбуръяссӧ йӧзӧдлӧма газет-журналъясын («Арт», «Войвыв кодзув», «Чушканзі»), а сідзжӧ «Сикӧтш», «Мелілуныс пыдӧстӧм и помтӧм», «Вечерний звон» да мукӧд ӧтувъя сборникын.
А.Шебыревлӧн кывбуръяс вылӧ тэчӧма вель уна сьыланкыв. Ачыс гижӧ шылад мукӧд кывбур дорас. Помӧсдінын нуӧдӧ литературнӧй кружок.
Сёрӧнджык босьтчис прозаӧ, гижӧ висьтъяс, очеркъяс.
2010-ӧд восянь пырӧ Коми гижысь котырӧ. Кыкысь вермылӧма «Эзысь борд» республикаса литературнӧй конкурсын: «Проза» нимпасын 2008-ӧд воын да «Поэзия» нимпасын 2014-ӧд воын. «Фараон» небӧгыс 2021-ӧд воын шедӧдӧма Эстонияса Рӧдвуж войтырлӧн программалысь войтыркостса литературнӧй премия «Проза» нимпасын (Эстония).
This article uses material from the Wikipedia Коми article Шебырев Александр Васильевич, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.