Şîri küeyî ya pûma canewer gewreyg e ki zûrim le küeyl xwarîn Kanada û Amrîkay Xwarîn jiyey.
Şîri küeyî canewer giwandarîg e le xîzani pişî ye. Bîcige le wextîg minal e û ha lay daligî baqî imrî we tenya jiyey. Şîri küeyî hem xas tüenî wegerd dewrgirdi xwey dabay û hem îş xas tüenî le şew ya rûj şikar bikey. Pûma pay zûrdarîg dîrî ki hem erra girdin şikar xas e û hemîş tüenî ta 6 mitir baz biwey.
Pûma canewer gûştxwerîg e belam tenya erra zinî menin canewereyl tir şikar key. Pûma zûrim canewereyl büçigîg cûr müş, mel, mahî û xerûşk xweydin belam eger bikefîye desî pespûleylîg îş cûr kawirr û bizin şikar key. Pûma rrřa şikar kirdin xwey le naw dar û bincig şarîyew û wextîg we şikaregey nizîkew bû perrîye kûlî û ya wegerd çepük milî şiknî ya qep keye milî û xinkinîdey.
Herçen pûma xwey canewer şikarçîg e belam eger wexatir nexweşî ya zexmî bîn bîhazew bû tüenî bûwe şikar şikarçîeyl gewreyg cûr xirs û gurg ya tenanet pûmayil tirek. Î canewere dewrgird 12 sal jiyey belam birrîg le lîyan ta 25 sal îş jiyen.
This article uses material from the Wikipedia Kurdî / كوردی article Şîri Küeyî, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ger wekî din nehatibe diyarkirin, naverok di bin CC BY-SA 4.0 de berdest e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kurdî / كوردی (DUHOCTRUNGQUOC.VN) is an independent company and has no affiliation with Wiki Foundation.