Эстонияны бойсунмаулугъуну декларациясы неда Эстонияны бютеу халкъларына манифест (эст.
Декларация басмаланнган кюн — 24-чю февраль — миллет байрам неда Эстонияны бойсунмаулугъуну кюню деб байрамланады.
Декларацияны проектин Эстонияны къутхарыу комитети джарашдыргъанды. Аллында бойсунмаулукъну 21-чи февраль 1918 джыл баямлрагъа излегендиле, алай а баямлау эки кюннге кечикгенди, эмда 23-чю февралны ингиринде Пярну шахарда басмаланыб, халкъны аллында окъулгъанды. Экинчи кюн, 24-чю февралда манифест Таллинде да басмаланыб джайылгъанды.
Граждан къазауатны заманында Эстляндияны джер-джерли кенгеши (орус. Земский совет Эстляндии, эст. Maapäev — «Маапяэв») къурагъан Эстонияны къутхарыу комитети 24-чю февраль 1918 джыл Эстонияны бойсунмаулугъун баямлайды.
Эстонияны бютеу халкъларына манифест
Энди бу заман келди. Халкъланы бири бирлери бла уллу кюрешлери патчахлыкъ Эресейни чириген джорукъларын тамалына дери ойгъанды. Сармат тюзледе оюлууну хаосу джайылады, эмда алгъыннгы Эресей империяны чеклеринде джашагъан халкъланы кесини тюбюнде басдырыр къоркъуу салады. Кюнбатышдан арымагъан сауутланнган герман аскерле джууукълашадыла, ала орус осуйлукъ мюлкден юлюшлерин алыргъа излейдиле эмда алгъы бурун Балтика джагъадагъы джуртланы бойсундурургъа. Бу магъаналы сагъатда Эстон Маапяэв (ландтаг) къралны эмда халкъны законлу келечиси болуб, миллетлени кеслери кеслерине оноу этерге хакъларына таяна, халкъ оноуну джакълагъан политика партияла эм къуралышла бла бирге Эстонияны мындан ары джазыуу ючюн талай атлам этерге керек болгъанын ауаз бирлик бла къабыл этгенди:
Белгилегеннген уездледе баш толтуруучу властха Эстон Маапяэв къурагъан Эстонияны къутхарыу комитетини бетинде халкъны власты боллукъду. Бютеу хоншу къралла эм халкъла бла Эстон Республика толу нейтралитетни политикасын тутаргъа излейди, эмда умут этеди бу нейтралитетге джууабха быллай толу нейтралитетни политикасы боллукъду деб. Эстон аскер джамагъат мизамны сакълар ючюн керек ёлчемге дери азайтыллыкъды. Эресейни сауутлу кючлеринде къуллукъ этген эстонлу аскерчиле юйлерине чакъырыладыла эмда демобилизация этиледиле. Туура, таша эмда пропорциялы сайлаулада къуралгъан Эстонияны Къураучу джыйылыуу джыйылыб, кърал оноуну формасын тамамы бла белгилегинчи, бютеу къураучу эмда законкъураучу власть Эстон Маапяэвде эмда ол къурагъан Кёзюулю правительстводады, ала кеслерини ишлеринде бу принциплени тамалгъа алыргъа керекдиле: 1. Эстон Республиканы бютеу гражданлары, динлерине, миллетлерине эмда политика къарамларына къарамай тенг дараджада республиканы законлары эмда сюдлери бла джакъланадыла.
|
This article uses material from the Wikipedia Къарачай-Малкъар (Qarachay-Malqar) article Эстонияны бойсунмаулугъуну декларациясы, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ичиндегиси, CC BY-SA 4.0 лицензиягъа кёре бериледи (башха белгиленмеген эсе). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Къарачай-Малкъар (Qarachay-Malqar) (DUHOCTRUNGQUOC.VN) is an independent company and has no affiliation with Wiki Foundation.