122°15′32″ W / 37.87° N 122.258889° W (G) (O) (Я)37.87, -122.258889
Берклиде Калифорнияны университети | |
Девизи | лат. Fiat Lux ингил. Let There Be Light къар.-малкъ. Болсун джарыкъ |
---|---|
Оригинал аты | University of California, Berkeley |
Къуралгъаны | 1868 |
Типи | штатны университети |
Канцлери | Николас Диркс[en] |
Студентлери | 36 204 |
Бакалавриаты | 25 951 |
Докторлары | 10 253 (магистрле бла бирге) |
Устазлары | 2 177 |
Кампусу | шахарда (2,692 га) |
Адреси | Калифорния, Беркли |
Сайты | http://www.berkeley.edu/ |
тюрлендириу |
Берклиде Калифорнияны университети (ингил. The University of California, Berkeley) — АБШ-да илму тинтген джамагъат университетди, орналгъаны — Беркли’деди (Калифорния штат). Калифорнияны университетини он кампусундан эм эртдегилиди. 2013 джылда U.S. News & World Report журналны «Миллет университетле» рейтингинде 20-чы позицияны алгъанды, алай а окъутуу программаларыны кёбю къралда эм игилени санына киредиле. 2013 джылда Times Higher Education журналны рейтингинде Берклиде Калифорнияны университети, дунияны университетлеринден бешинчи орунну алгъанды.
Университет, компьютер бла IT технологияладан, экономикадан эмда физикадан специалистлени хазырлауда эм иги аралыкъланы бири кибик бютеу дунияда белгилиди. Берклиден физикле, Экинчи дуния къазауатны заманында атом бомбаны эмда андан сора водород бомбаны ишлеуде баш роль ойнагъандыла. Берклиден алимле циклотронну ойлаб чыгъаргъандыла, антипротонну тинтиб къарагъандыла, лазерни ишлеуде баш ролда болгъандыла, фотосинтезни тамалында болгъан процесслени ангылатхандыла, кёб химия элементни (аланы ичинде: сиборгий, плутоний, берклий, лоуренсий эм калифорний) ачхандыла. Берклиде BSD операцион система (эмда BSD лицензия) башламын алгъанды.
Беркли, студент активизмини тарихи бла белгилиди. Эм белгили акцияла: 1964 джылда Сёз Эркинлик ючюн къымылдау — университетни кампусдан политика памфлетлени джайыучуланы къоратыргъа кёргенинден сора башланнган протест акция — эмда 1968 джылда Халкъ паркда къаршчы туруу — «хиппи» культура бла ассоциация этилген студентлени протестлери.
Викигёзенде (Wiki Commons'да) бу категориягъа келишген медиа-файлла табарыкъсыз: Берклиде Калифорнияны университети. |
This article uses material from the Wikipedia Къарачай-Малкъар (Qarachay-Malqar) article Берклиде Калифорнияны университети, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ичиндегиси, CC BY-SA 4.0 лицензиягъа кёре бериледи (башха белгиленмеген эсе). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Къарачай-Малкъар (Qarachay-Malqar) (DUHOCTRUNGQUOC.VN) is an independent company and has no affiliation with Wiki Foundation.