Ю Изьва
Изьва (рочӧнжык: Ижма) — Коми Республикаын ю, Печоралӧн шульга вож.
Кузяыс 531 км, бассейныс 31 000 км² ыжда. Шӧркодяс ва видзӧм уссёсяняс 154 км ылынаын 203 м³/сек. Тыртчӧ унажыксӧ сылан лымнас. Кынмӧ нояб шӧрын, оссьӧ май шӧрын.
Медыджыт вожжес – Уква, Айюва, Сэбысь.
Изьваыс пондӧтчӧ Тиман керӧссэз лунвылын, котӧртӧ ойвыв-рытвылӧ.Катытын вадӧррез вӧрсялӧмӧсь, кывтытас ю дорас унажыксӧ видззез да нюррез. Ӧрыс чукыля, шӧрӧт да катыт визулын эмӧсь коссез да ваувтся иззэз. Медыджыт кось – Сьӧлӧм кось, кӧда куйлӧ юас Сӧснагортсянь кывтытжык.
Катытас юыс кывтӧ Вылыс Изьва посёлок пырйӧт, шӧрӧт визулын, Уква ю уссё дынын сулалӧ Сӧснагорт кар, кӧдӧ 1957 шуисӧ Ижма (м.ш. Изьва). Уква кар сулалӧ Сӧснагортсянь 8 км ылнанын, Уква ю кывтытынжык
Уква ю уссёсяняс Изьваыт лӧсялӧ уйӧтаннэз (судноэз) понда. Кывтытас Изьва бура паськалӧ, визулыс жагмӧ, ю вылас аркмӧны виссэз, курьяэз да ыджыт діэз (островвез).
Изьва усьӧ Печора юӧ Изьвавом посад дорын.
This article uses material from the Wikipedia Перем Коми (Perem Komi) article Изьва (ю), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Модік абу кӧ иньдӧм, пытшкӧссӧ позьӧ видзӧтны CC BY-SA 4.0 лицензия сьӧрті Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Перем Коми (Perem Komi) (DUHOCTRUNGQUOC.VN) is an independent company and has no affiliation with Wiki Foundation.