Едэма (рочӧнжык Васильевка) — Коми Республикаын, Изьва районісь Кельчиюр посадмуын грезд.
Коми ним Едэма аркмис натьтӧ изьватас сёрниын ветлана едэма ‘нюрьяин’ кывсянь . А сідз-ту едӧма – этӧ лоӧ ‘сукмӧм, косьмӧм (вир йылісь)’ .
Грезд сулалӧ Печора ю дорын, Кельчиюр посадсянь 11 км ылынаын. Ордча оланіннэз: Изьвавом, Галфедь, Неридз.
Грездсянь неылӧт котӧртӧ Изьва ю. Ордчӧн эм Едэма яг.
Оліссез шуӧны асьнысӧ едэмсаяс (ö.л. – едэмса). 2010 год кежӧ татӧн олӧны дзир 8 морт. Чужан кыв нылӧн – коми (изьва диалект). Медуна отир новйӧны фамиллё Филиппов.
Том отирыс грездас абуӧсь, оліссез сё 40 годся пӧрисьжыкӧсь.
Грезд аркмӧма 1859–1859 воэзӧ. Медодз сы йылісь гижисӧ 1858 годӧ сідз: выселок Едомский.
1918 годӧ сія шусьӧ Едомскӧй грезд (нето Мазалиха). Вӧлӧма сэк татӧн кык горт, олӧмась 15 морт.
1926 воын Мазалины грездын (нето Едомаын) лыддьӧмась 9 горт да 40 морт оліссезӧс (20-а вӧлісӧ айкаэз да 20-а инькаэз).
1930 годдэзӧ татӧн уджалӧма кучик керан завод.
1970–1980 воэз сьӧрна отирыс пондасӧ татӧн овны лёка етшажыкӧн: эшӧ 1970 годӧ Едэмаын вӧлі 124 морт, а 1979 во кежӧ кольччӧмась токӧ 47-а.
1989 во кежӧ грездас кольччисӧ дзир 26 морт (14 мужик да 12 женскӧй).
2001 годӧ лоис быдсӧн 12 морт ни.
2010 годӧ олӧны кыкьямыса. Мӧдіккез мунӧмась, мыля абу удж ни велӧтчанін. Да и мӧдік оланіннэзӧдз петавны сьӧкыт, ылынӧв да.
Грезд пырӧ Кельчиюр посадмуӧ. Аслас веськӧтлан ни милиция пост абу.
Авто туез абуӧсь, товар кыскавны позьо токӧ Изьва ю кузя. Но грездын эм мотоцикл, коть автомобиллез абуӧсь жӧ.
Эм учӧтік вузясянін. Отирыс олӧны пенсия вылӧ. Вӧралӧны да кыйӧны чери.
Школа ни культура керку грездас абу.
Жеребцов И. Л., Мусанов А. Г. Где ты живешь? (гипермедиаэнциклопедия).
This article uses material from the Wikipedia Перем Коми (Perem Komi) article Едэма (Изьва район), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Модік абу кӧ иньдӧм, пытшкӧссӧ позьӧ видзӧтны CC BY-SA 4.0 лицензия сьӧрті Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Перем Коми (Perem Komi) (DUHOCTRUNGQUOC.VN) is an independent company and has no affiliation with Wiki Foundation.