Qaqortup kommunea kujataani illoqarfinni pingaarnersaavoq, 1775-imilu tunngavilerneqarluni.
Qaqortoq ullumikkut 3.129-t missaanni inoqarpoq, pingasunillu nunaqarfeqarluni. Saarloq (50-t missaat), Eqalugaarsuit (138-t), kiisalu Qassimiut (47-t). Nunaqarfiit saniatigut 12-nik savaateqarfeqarpoq.
Qaqortoq | |
---|---|
sep. 2008 |
Qaqortup kommunea aalisarneq piniarnerlu inuutissarsiutini pingaarnersarai. Ammerivilli Great Greenland inuutissarsiuni aamma pingaaruteqartorujussuuvoq, soorlu aamma illoqarfik amutsiveqarnikuungaluartoq. Qaqortup illoqarfia ilinniarfeqarfittut aamma tusaamasaavoq, Kujataani Ilinniarnertuunngorniarfik, Niuernermik Ilinniarfik illoqarfimmi ilinniarneqarsinnaammata. Sulisartut Højskoleat illoqarfimmi aammattaaq inissisimavoq.
Qaqortup oqaluttuarisaanera eqqaassagaanni taaneqanngittoorsinnaanngilaq Erik aappalaartoq, qallunaatsiaat kujataani 900-p naalernerani 1400-p aallartilaarnerata tungaanut kujataani inuusimasut. Taamaammat aamma Hvalsø oqaluffik oqaluttuarisaanermut pingaaruteqarluinnartoq taaneqassaaq, Qaqortullu eqqaanut takornariarneqarsinnaalluni. Qaqortup kommunea pinngortitamigut aamma alianaalluinnarpoq, naasorpassuaqarmat. Sikorsuit imaannaanngitsumik misigisassaapput, soorlu tissaluttoq nunatsinni kisiartaasoq.
Wiki Commons assinik nipinilluunniit peqarpoq, uunga tunngasunik: |
This article uses material from the Wikipedia Kalaallisut article Qaqortoq, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Indholdet er udgivet under CC BY-SA 4.0 medmindre andet er angivet. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kalaallisut (DUHOCTRUNGQUOC.VN) is an independent company and has no affiliation with Wiki Foundation.