Qaraqalpaq qosıqshılar óneriniń jarqın juldızı – Zamira Xojanazarova (1960-1990 jj)
Zamira Xojanazarova | |
---|---|
Atı | Zamira Xojanazarova |
Tuwılǵan | 1960-jıl |
Qaytıs bolǵan | 1990-jıl |
Milleti | Qaraqalpaq |
Sıylıqları | Qaraqalpaqstan Komsomol sıylıǵınıń laureatı |
[[Fayl:|280px|súwret]] | |
Tuwılǵan sánesi | 1960 |
---|---|
Qaytıs bolǵan sánesi | 1990 |
Zamira Xojanazarova 1960-jılı Nókis qalasında tuwılǵan. Ol orta mektepti tamamlaǵannan soń Tashkent qalasındaǵı Teatr hám kórkem óner institutında oqıdı. Instituttı tabıslı pitkergennen soń ol óziniń miynet jolın Berdaq atındaǵı Mámleketlik filarmoniyasında qosıqshı bolıwdan basladı. Sońınan estradalıq-xoreografiyalıq «Qırq-qız» ansamblinde qosıqshılıq ónerin dawam etti. Zamira Xojanazarova 1986-jıldan baslap ómiriniń aqırına shekem QQASSR televidenie hám radio esittiriw boyınsha Mámleketlik Komitetinde «Xalıq sazları” orkestrinde qosıqshı bolıp jumıs isledi. Ol ele student waqtında-aq Qaraqalpaqstan ASSRınıń Tatarstandaǵı mádeniyatı kúnlerinde qatnasqan. Ol sonday-aq, Daǵıstan ASSRında hám Tashkent qalasında ótkerilgen Qaraqalpaqstan Mádeniyatı kúnlerinde qatnasıp, óziniń sónbes talantı menen tanılǵan. Ansambl menen birge Rossiya (RSFSR)nıń bir neshe qalalarında, Ukraina, Belorussiya Respublikalarında gastrollarda bolǵan. Zamira Xojanazarova Qaraqalpaq milliy kórkem-ónerine óziniń ayırıqsha lapızı menen aralastı. Ol óziniń atqarǵan Xalıq qosıqları, estradalıq hám basqa tillerde atqarǵan qosıqları menen xalqımızdıń belgili qosıqshısına aylandı, ásirese, sol dáwirdiń jasları onıń qosıqların súyip tıńladı.
Onıń atqarıwındaǵı «Barmeken», «Shaǵalalar», «Jaslıǵım” atlı qosıqları eń belgili dóretiwshiligi esaplanadı.
Óziniń iskerligi dawamında erisken jetiskenlikleri ushın Zamira Xojanazarova Qaraqalpaqstan Komsomol sıylıǵınıń laureatı boldı. Ol QQASSR Joqarǵı Soveti Prezidiumınıń Húrmet Gramotası menen sıylıqlanǵan.
This article uses material from the Wikipedia Qaraqalpaqsha article Zamira Xojanazarova, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maǵlıwmat CC BY-SA 4.0 litsenziyası boyınsha alınǵan (eger basqa shártler kórsetilmese). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Qaraqalpaqsha (DUHOCTRUNGQUOC.VN) is an independent company and has no affiliation with Wiki Foundation.