ნოშაკი — ჰინდუქუშის ქედის სიმაღლით მეორე (ტირიჩმირის შემდეგ, 7690 მ.) ცალკე მდგომი მთა, რომელიც მდებარეობს ავღანეთისა და პაკისტანის საზღვარზე.
მისი დასავლეთ ფერდობი მდებარეობს ავღანეთში, ხოლო აღმოსავლეთი პაკისტანში. ნოშაკი ავღანეთის უმაღლესი მწვერვალია და მდებარეობს ქვეყნის ჩრდილო-აღმოსავლეთ კუთხეში დურანის ხაზზე. წარმოადგენს მსოფლიოში ყველაზე დასავლეთით მდებარე 7000-იან მთას, მასზე ყველაზე მარტივი მარშრუტი ადის პაკისტანის მხრიდან ჩიტრალიდან.
ნოშაკი | |
---|---|
ნოშაკი | |
კოორდინატები: 36°25′54″ ჩ. გ. 71°49′42″ ა. გ. / 36.43167° ჩ. გ. 71.82833° ა. გ. | |
ქვეყანა | ავღანეთი პაკისტანი |
სიმაღლე | 7492 მ |
იზოლაცია | 18,89 კმ |
ქედი | ჰინდუქუში |
პირველი ასვლა | 1960 |
მთაზე პირველი ასვლა 1960 წელს განახორციელეს იაპონური ექსპედიციის წევრებმა: ტოშიაკი საკაიმ და გორო ივაცუბომ. პირველი ასვლა განხორციელდა სამხრეთ-აღმოსავლეთი ქედიდან. დღეისთვის უმეტესად გამოიყენება დასავლეთი ქედი. პირველი ზამთრის ასვლა 1973 წელს განახორციელეს პოლონეთის ექსპედიციის წევრებმა: ანდრეს ზავადამ და თადეუშ პიტროვსკიმ. ეს იყო 7000 მეტრზე ზემოთ ზამთრის პირობებში მსოფლიოში პირველი ასვლა.
პირველი ასვლა ავღანელებმა ნოშაკზე განახორციელეს 2009 წლის 19 ივლისს. ასვლა განხორციელდა ვახანის დერეფნიდან.
This article uses material from the Wikipedia ქართული article ნოშაკი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.