ბინათმესაკუთრეთა ამხანაგობა

ზოგიერთ ქვეყანაში ბმა წარმოადგენს იურიდიულ პირს, თუმცა საქართველოში მას ამგვარი სტატუსი არ გააჩნია. საქართველოში ბმა დაფუძნებულად ითვლება „ბინათმესაკუთრეთა ამხანაგობის შესახებ“ საქართველოს კანონის ამოქმედებიდან (2007 წ) ისეთ მრავალბინიან სახლში, რომელიც განთავსებულია ერთ მიწის ნაკვეთზე და რომელშიც მდებარეობს ორზე მეტი ინდივიდუალურ საკუთრებაში არსებული ბინა.

საქართველოში ბმა შეიძლება ჰქონდეს საანგარიშგებო და სხვა ანგარიშები ბანკში, აგრეთვე სხვა საჭირო რეკვიზიტები, განცალკევებული ქონება. სამართლებრივ ურთიერთობებში ბმა წარმოადგენს თავმჯდომარე ან საამისოდ უფლებამოსილი სხვა პირი. ბმა პასუხს არ აგებს თავისი წევრების ვალდებულებებზე. მიზნის მისაღწევად ბმა უფლება აქვს ეწეოდეს არასამეწარმეო ეკონომიკური საქმიანობას.

საქართველო

სტატუსი და უფლებები

ბინათმესაკუთრეთა ამხანაგობა არ არის იურიდიული პირი. მას შეიძლება ჰქონდეს საანგარიშგებო და სხვა ანგარიშები ბანკში, აგრეთვე სხვა საჭირო რეკვიზიტები.

მართვა

თავმჯდომარე

ბმა საქმიანობას უძღვება თავმჯდომარე, რომელიც განსაზღვრული ვადით აირჩევა წევრთა კრების მიერ, წევრთა ხმების 2/3-ით. თავმჯდომარედ შეიძლება არჩეულ იქნეს ბმა ნებისმიერი წევრი ან მოწვეული მმართველი. თამვჯდომარე, როგორც წესი:

იწვევს და უძღვება ბინათმესაკუთრეთა ამხანაგობის წევრთა კრებას;

უზრუნველყოფს წევრთა კრების გადაწყვეტილებების შესრულებას;

წევრთა კრებასთან შეთანხმებით იღებს აუცილებელ ზომებს წევრთა საერთო ქონების სათანადო მოვლა-პატრონობის, ექსპლუატაციისა და განვითარების უზრუნველსაყოფად;

წევრთა კრებასთან შეთანხმებით განსაზღვრავს ბმა ხარჯებს მიმდინარე სამეურნეო წლისათვის;

წევრთა კრებასთან შეთანხმებით განსაზღვრავს წევრთა რეგულარული ხარჯებისა და წევრთა საერთო ქონების განვითარებასთან დაკავშირებული დამატებითი სადანახარჯო შენატანების ოდენობას ამ კანონის მე-5 მუხლის მე-6 პუნქტის შესაბამისად;

წევრთა კრებასთან შეთანხმებით უზრუნველყოფს წევრთა საერთო ქონების გასხვისებას, გაქირავებას, იჯარით გაცემას, დაგირავებას, აგრეთვე სერვიტუტისა თუ სხვაგვარი უფლებით სხვა პირებისათვის გადაცემას;

წევრთა კრებასთან შეთანხმებით უზრუნველყოფს სესხის აღებასა და გაცემას;

იღებს ზომებს, რომლებიც აუცილებელია რაიმე ვადის დასაცავად ან რომელიმე უარყოფითი სამართლებრივი შედეგის თავიდან ასაცილებლად;

იღებს და იხდის გაწეული ხარჯებისა თუ ვალების დასაფარავ თანხას, თუ ეს მესაკუთრეთა საერთო საქმეებს შეეხება;

დებს ხელშეკრულებებს და წარადგენს საჭირო დოკუმენტაციას, თუ ეს დაკავშირებულია წევრთა საერთო ქონების მოვლა-პატრონობასთან, ექსპლუატაციასთან და განვითარებასთან და წევრთა საერთო ინტერესებთან;

უზრუნველყოფს ბმა მიერ ნაკისრი სახელშეკრულებო პირობებისა და მოვალეობების შესრულებას;

გამოდის სასამართლოში ან სხვა ორგანოებში ბმა სახელით.

წევრთა კრება

ბმა მართვის უმაღლესი ორგანოა წევრთა საერთო კრება, სადაც მიიღება საერთო ქონების მართვასთან დაკავშირებული და აგრეთვე, საერთო და ინდივიდუალური ქონების განვითარებასტან დაკავშირებული ნებისმიერი გადაწყვეტილება.

ეს არის სტატიის ან სექციის ესკიზი.
თქვენ შეგიძლიათ შეავსოთ იგი.

სქოლიო

რესურსები ინტერნეტში

ბინათმესაკუთრეთა ამხანაგობის შესახებ. საქართველოს კანონი. სსიპ საქართველოს საკანონმდებლო მაცნე (2007).

This article uses material from the Wikipedia ქართული article ბინათმესაკუთრეთა ამხანაგობა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.