რუსეთის ფედერაციის საგანგებო და სრულუფლებიანი ელჩი თურქეთის რესპუბლიკაში ანდრეი კარლოვის მკვლელობა მოხდა 2016 წლის 19 დეკემბერს, თურქეთის დროით 19:30 სთ-ზე, ქალაქ ანკარის თანამედროვე ხელოვნების ცენტრში.
დიპლომატი იმყოფებოდა ფოტო-გამოფენის „რუსეთი მოგზაურის თვალით: კალინინგრადიდან კამჩატკამდე“ გახსნის ცერემონიალზე, მაშინ როცა მას დაესხა საქმიან კოსტუმში გამოწყობილი ახალგაზრდა მამაკაცი — პოლიციის ოფიცერი, 22 წლის მევლუთ მერთ ალთინტაში (თურქ. Mevlüt Mert Altıntaş). მკვლელობა მოხდა სირიის სამოქალაქო ომში რუსეთის ჩარევის წინააღმდეგ გამართული ფართომასშტაბიანი პროტესტის შემდეგ.
ანდრეი კარლოვის მკვლელობა | |
---|---|
მდებარეობა | თანამედროვე ხელოვნების ცენტრი (თურქ. Çağdaş Sanatlar Merkezi), ანკარა, თურქეთი |
თარიღი | 19 დეკემბერი, 2016 |
სამიზნე | ანდრეი კარლოვი |
თავდასხმის ტიპი | სროლა • ტერორისტული აქტი |
იარაღი | პისტოლეტი |
დაღუპულები | 2 (მათ შორის თავდამსხმელიც) |
თავდამსხმელები | მევლუთ მერთ ალთინტაში (22 წლის, პოლიციის ოფიცერი) |
მოტივი | სირიის სამოქალაქო ომში რუსეთის ჩარევის პროტესტი |
შეძახილით „დიდება ალაჰს“ თავდამსხმელმა ესროლა რუს დიპლომატს, ანდრეი კარლოვი ზურგზე დაეცა, მას შემდეგ თავდამსხმელმა კიდევ ერთხელ ესროლა მას. შემდეგ ალთინტაშმა განახორციელა რამდენიმე გამოსროლა შეძახილებით „ეს თქვენ ალეპოსთვის“, „ჩვენ ვიხოცებით იქ, შენ დაიხოცები აქ“, „დიდება ალაჰს!“. აღსანიშნავია, რომ ალთინტაში იყო თურქეთის პოლიციის ოფიცერი, თუმცა 2016 წლის სახელმწიფო გადატრიალების მცდელობაში მონაწილეობის გამო ის თანამდებობიდან გაათავისუფლეს. ტერორისტის ლიკვიდაცია პოლიციამ მოახდინა.
საერთაშორისო თანამეგობრობამ რუსი დიპლომატის მკვლელობა დაგმო, მათ შორის გაეროს უშიშროების საბჭოს წევრებმა ერთხმად აღიარეს ეს მოვლენა ტერორისტულ აქტად.
This article uses material from the Wikipedia ქართული article ანდრეი კარლოვის მკვლელობა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.