ასტურია ალფონსო Iii
ალფონსო III დიდი (ესპ.
848 — გ. 20 დეკემბერი, 912) — ასტურიის მეფე 866–910 წლებში. ორდონიო I-ის ვაჟი. იქორწინა ხიმენაზე.
| ალფონსო III | |
|---|---|
| Alfonso III el Magno | |
 ალფონსოს ქანდაკება მადრიდში | |
| ასტურიის სამეფოს 12-ე მეფე | |
| მმართ. დასაწყისი: | 27 მაისი, 866 |
| მმართ. დასასრული: | 910 |
| წინამორბედი: | ორდონიო I |
| მემკვიდრე: | ფრუელა II |
| პირადი ცხოვრება | |
| დაბ. თარიღი: | 848 |
| გარდ. თარიღი: | 20 დეკემბერი, 910 |
| მამა: | ორდონიო I |
| ხელმოწერა: |  |
ბიოგრაფია
ალფონსო 14 წლის იყო, როდესაც მამა გარდაეცვალა და დიდებულებმა იგი მეფედ გამოაცხადეს. გრაფ ფრუელას სურდა ახალგაზრდა მეფისთვის ტახტის წართმევა, მაგრამ დიდებულები ალფონსოს ერთგულები დარჩნენ. ფრუელა მოკლეს, ხოლო ალფონსო მეფედ აკურთხეს. მისი 44-წლიანი მართველობის პერიოდში ასტურია გაძლიერდა. მან გააფართოვა თავისი სამფლობელო, შემოიერთა მიწები დუერომდე, დაასახლა იქ კოლონისტები და განამტკიცა წესრიგი. მისი მმართველობის პერიოდში ბევრი ციხესიმაგრე და ეკლესია აშენდა. აღმოსავლეთიდან ქვეყნის დასაცავად მან გაამაგრა ბურგოსი, ხოლო ნორმანებისგან დასაცავად მან ააშენა ზღვისპირეთში ციხე განსო. 900 წელს ოთხდღიან სამორის ბრძოლაში მეფემ დაამარცხა 60 000-იანი არაბული ჯარი. დახოცილი არაბების თავები სამორის ციხეზე გამოკიდეს.
მიუხედავად წარმატებებისა, მას უწევდა აჯანყებების ჩახშობა. მისი შვილი გარსია 880 წელს აუჯანყდა, მაგრამ მამამ დაამარცხა და დააპატიმრა. მალე დედამისმა, რომელიც შვილის მხარეს იყო, დიდებულების მეშვეობით მოაწყო შეთქმულება, რომელშიც ორი უმცროსი შვილიც იყო გახვეული. ქვეყანაში სამოქალაქო ომი დაიწყო. 910 წელს ალფონსო მისმა შვილებმა დაამარცხეს და აიძულეს გარსიას სასარგებლოდ უარი ეთქვა ტახტზე. ქვეყანა სამად გაიყო, გარსიას ერგო მთებში გამაგრებული მხარე ლეონი, ორდონიოს გალისია, ხოლო ფრუელას ასტურია.
ლიტერატურა
- Рыжов, K. (1999). Энциклопедия - Все монархи мира - Западная Европа. Вече, Москва. ISBN 5-7838-0374-X
This article uses material from the Wikipedia ქართული article ალფონსო III (ასტურია), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.