Kali Serayu iku kali kang sumberé saka Kabupatèn Wonosobo (Tuk Bimo Lukar) ngliwati 6 kabupatèn, ya iku antarané laladan Wanasaba, Banjarnegara, Purbalingga, Banyumas lan pungkasané tumuju menyang muarané ing Kabupatèn Cilacap.
Sumbere kali serayu ana ing Dhataran dhuwur Dièng. Kali Serayu dianggep akli saing gedhé dhéwé lan dadi sumbar penguripan warga lan olèh pangawasan mirunggan saka warga kang ana ing saubengé. Kali serayu kang duwé amba antara 12 mèter-25 mèter iki muarane ana ing Samodra Hindia. Akèh wong kang nyandaraké urip ana ing kali Serayu. Saliyané dadi sandaran urip warga kali Serayu uga kalebu salah siji obyèk wisata kang akèh kang ngremeni. Wisata Arung Jeram iku dawi wisata kang paling diremeni déning masyarakan. Nalika taun 1997, kali serayu dadi panggonan kanggo lomba arung jeram tingkat nasional. kanggo kang ngremeni arung jeram kang mbutuhaké adrenalin akèh, wisata arung jeram kali Serayu dadi tujuwan kang pas. Kali serayu kang dawane 25 km bisa ditempuh kira-kira 4,5jam-5 jam pengarungan. Wektu sakmono mau diwiwiti pengarungan saka kretek ing Désa Blimbing utawa Désa Tunggoro Kabupatèn Wonosobo lan Désa Prigi Kabupatèn Banjarnegara tumuju Désa Singomerto, Kacamatan Sigaluh, Kabupatèn Banjarnegara. Wektu tempuh mau wis karo wektu kanggo ngaso ana ing tengah-tengahing lelampahan. Ing tlatah Banjarnegara kali iki diwangun sawijining wadhuk ya iku wadhuk Mrican lan pembangkit tenaga listrik Mrican.
This article uses material from the Wikipedia Basa Jawa article Kali Serayu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.