Batu Pahat iku jeneng kutha lan dhistrik ing pérangan kulon praja Johor, Malaysia.
Mujur ing sisih kidul-wétan Muar, kidul-kulon Kluang, lor-kulon Pontian lan sisih kidul Segamat. Ing Batu Pahat dumunung monumèn "watu kang diukir" ing Dhataran Batu Pahat. Kutha Batu Pahat biyèn kaloka minangka Bandar Penggaram. Kutha iki didunungi 140.000 cacah jiwa, déné dhistriké didunungi 300.000 luwih cacah jiwa. Batu Pahat misuwur kanthi olahan panganan sagara, olahan lokal lan wisata blanja. Papan blanja gedhé dhéwé ing Batu Pahat ya iku 'The Summit Parade'.
Batu Pahat 峇株巴辖 باتو ڤاهت | |
---|---|
Dhistrik Malaysia | |
Nagara | Malaysia |
Nagara bagéyan | Johor |
Seat | Bandar Penggaram |
Pamaréntahan | |
• Kepala Dhistrik | Norizan Kulop |
Laladan | |
• Gunggung | 187.256 km2 (72,300 sq mi) |
Cacah warga (2009) | |
• Gunggung | 419,800 |
• Pepadhet | 2,2/km2 (5,8/sq mi) |
Ing taun 2012, Batu Pahat minangka kutha ka-16 kang ngrembaka cepet ing Malaysia amarga rembakané indhustri lan pendhidhikan. Saliyané iku, Batu Pahat uga misuwur marang warga Singapura amarga duwé jejuluk minangka "Swarga Blanja ing Johor Lor".
Kutha krajan Bandar Penggaram, Batu Pahat kapernah ing koordhinat 1°51′N 102°56′E / 1.850°N 102.933°E, manggon 239 kilomèter saka Kuala Lumpur. Kutha cedhak dhéwé saka Batu Pahat ya iku Muar, kang manggon 50 kilomèter sisih lor. Kutha Kluang uga kapernah 52 kilomèter ing sisih wétan. Johor Bahru manggon udakara 70 nganti 100 kilomèter sisih kidul-wétan kang madhep marang Selat Melaka.
Dhistrik iki diwatesi ing sisih lor déning Segamat, sisih wétan déning Kluang, sisih kulon déning Muar, lan sisih kidul wétan déning Dhistrik Pontian. Pasisir Selat Melaka kapernah ing sisih kidul saka dhistrik iki.
Artikel iki minangka artikel rintisan. Kowé bisa ngéwangi Wikipédia ngembangaké. |
This article uses material from the Wikipedia Basa Jawa article Batu Pahat, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.