ᐃᓄᐃᑦ ᑕᑯᓐᓇᕋᑦᓴᓕᕆᔨᑦ (ᖃᓪᓗᓈᑎᑐᑦ: Inuit Broadcasting Corporation) ᑯᐊᐳᕇᓴᓐ ᑕᓚᕕᓴᓕᕆᔨᐅᕗᑦ ᓄᓇᕗᒻᒥ ᐱᓕᕆᐊᒃᓴᖃᖅᑐᑎᒃ ᐃᓄᐃᑦ ᐃᓄᖏᓐᓄᑦ ᓄᓇᕗᒻᒥ.
ᑕᒪᕐᒥᑲᓴᑦᑎᐊᖅ ᐱᓕᕆᐊᖏᑦ ᑕᑯᒃᓴᐅᑎᑕᐅᕙᒃᐳᑦ ᐃᓄᒃᑎᑐᑦ. ᐃᓚᖏᑦ ᖃᓪᓗᓈᑎᑑᖓᒻᒥᔪᑦ. ᐃᓄᐃᑦ ᑕᑯᓐᓇᕋᓐᓈᖅᑎᑦᑎᔪᑦ ᐃᓄᐃᑦ ᐃᓕᖅᑯᓯᖓᓐᓂᒃ. ᑲᒻᐸᓂᐅᔪᖅ ᑕᓪᓕᒪᓂᒃ ᓴᖅᑭᑎᑦᑎᕕᖃᖅᑐᖅ ᓄᓇᕗᒻᒥ, ᐃᓄᖕᓂ ᐃᖅᑲᓇᐃᔭᖅᑎᖃᖅᑐᑦ ᑕᒪᕐᒥᒃ. 1980 ᐱᒋᐊᕐᓂᖏᓐᓂ ᐱᒋᐊᕐᓂᖏᓐᓂ, ᐃᓄᐃᑦ ᑕᑯᓐᓇᕋᑦᓴᓕᕆᔨᒃᑯᑦ ᓯᕗᓪᓕᖅᐹᖑᓚᐅᖅᓯᒪᔪᑦ ᓄᓇᖃᖅᑳᖅᓯᒪᔪᑦ-ᐅᖃᐅᓯᖅ ᑕᓚᕖᓴᒃᑯᑦ ᑕᑯᒃᓴᐅᑎᑕᐅᓪᓗᓂ ᐊᒥᐊᓕᒐᐃᑦ ᐅᐊᖕᓇᖓᓂ.
ᑖᒃᑯᐊ ᑕᕐᕆᔮᒃᓴᑦ ᓴᖅᑭᔮᖅᑎᑦᑎᔪᑦ "ᔮᓂ" ᐊᕕᙵᕐᓂᒃ ᐊᓯᖏᓐᓂᒡᓗ ᓄᓇᓕᖕᓂ ᐃᓄᙳᐊᓂᒃ ᓴᓇᓯᒪᔪᓂᒃ, ᒪᒃᑯᒃᑐᓂᒃ ᑐᙵᓱᒃᑎᑦᑎᔨᓂᒃ, ᑎᑎᖅᑐᒐᖅᓯᒪᔪᓂᒃ ᐊᒻᒪ ᐱᓕᕆᕝᕕᖕᒥᙶᖅᑐᓂᒃ. ᑕᑯᒋᓇᐃ ᐃᓕᓐᓂᐊᖅᑎᑦᑎᕙᒃᐳᖅ ᑕᒪᐃᓐᓂᒃ ᐃᓕᖅᑯᓯᑐᖃᕐᓄᑦ ᐊᓐᓂᕆᔭᐅᔪᓂᒃ (ᐃᒃᐱᒋᑦᑎᐊᕐᓗᒋᑦ ᐃᓐᓇᐃᑦ, ᐊᒥᖅᑳᖃᑎᖃᖅᐸᖕᓂᖅ ᐅᑕᖅᑭᔪᓐᓇᑦᑎᐊᕐᓂᕐᓗ) ᐃᓄᒃᑎᑐᓪᓗ ᖃᔅᓯᐅᓂᕆᔭᖏᓐᓂᒃ ᖃᓂᐅᔮᖅᐸᐃᑐᓪᓗ. ᑐᓐᓂᖅᑯᓯᐊᑦ ᐃᓚᖃᖅᑐᑦ ᐊᔾᔨᐅᙱᑦᑐᒥᑦ ᐃᓕᓴᕆᔭᐅᔾᔪᓯᐊᒥᑦ ᑲᑐᔾᔨᖃᑎᒌᒃᑯᓐᓂᑦ ᓄᑕᖅᑲᓄᑦ ᑕᓚᕖᓴᓄᓪᓗ; ᑐᓐᓂᖅᑯᓯᐊᖅ ᓄᑕᖅᑲᓄᑦ ᑕᕐᕆᔮᒃᓴᓕᕆᔨᒃᑯᓐᓂ; ᐊᒻᒪ ᐅᖃᓘᑎᒃᑯᑦ ᑕᕐᕆᔭᐅᑎᒃᑯᑦ−ᓄᓇᖃᖅᑳᖅᓯᒪᔪᑦ ᑕᑯᓐᓇᒐᒃᓴᓕᕆᔨᖏᑦ ᓄᓇᖃᖅᑳᖅᓯᒪᔪᑦ ᐅᖃᐅᓯᓕᕆᓂᕐᒧᑦ ᐃᓕᑕᕆᔭᐅᔾᔪᑎᑖᖅᑐᑦ.
ᐅᖃᓕᒫᒐᕐᓄᑦ ᐱᓕᕆᐊᒃᓴᖅ ᐃᓄᖕᓄᑦ ᒪᒃᑯᒃᑐᓄᑦ, ᐅᓪᓗᒥᓕᓴᖅ ᑕᑯᒃᓴᐅᓪᓗᓂ ᐊᓐᓄᕌᖅᓯᒪᑦᑎᐊᕐᖢᓂᓗ ᓴᖅᑭᔮᖅᑎᑦᑎᓪᓗᓂ, ᑭᓯᐊᓂ ᐃᔾᔪᐊᒐᒃᓴᐅᙱᖦᖢᓂ ᒫᓐᓇᐅᔪᖅ ᒪᒃᑯᒃᑐᓄᑦ ᐱᓕᕆᐊᒃᓴᑦ ᖃᕋᓴᐅᔭᒃᑯᑦ ᕿᓪᓚᔾᔪᒐᒃᑯᑦ, ᐊᔾᔨᖃᖅᑎᑦᑎᓪᓗᓂᓗ ᖃᐅᑕᒫᑦ ᐃᓅᓯᖏᓐᓂ ᐃᓄᐃᑦ ᒪᒃᑯᒃᑐᑦ.
ᐊᒥᓱᑲᓪᓚᐅᔪᑦ ᑎᑎᖅᑲᐅᔪᑦ ᓴᖅᑮᔪᑦ ᐃᓚᖏᓐᓂᒃ ᑐᓴᕈᒥᓇᖅᑐᓂᒃ ᐃᓄᓐᓂᒃ ᓄᓇᕗᒻᒥ ᓄᓇᖃᖅᑐᓂᒃ - ᒐᕙᒪᓕᕆᔨᐅᔪᑦ, ᐃᓄᑐᖃᐅᔪᑦ, ᑎᑎᕋᖅᐸᒃᑐᑦ ᐊᒻᒪᓗ ᐱᙳᐊᖅᑎᐅᔪᑦ. ᐊᑐᓂ ᐊᔾᔨᓕᐅᖅᑕᐅᔪᑦ ᕿᒥᕐᕈᓲᖑᕗᑦ ᐃᓅᓯᖏᓐᓂᒃ ᐊᓂᒍᖅᑎᓯᒪᔭᖏᓐᓂᒡᓗ ᑖᒃᑯᐊ ᐅᔾᔨᕐᓇᖅᑐᑦ ᐃᓄᐃᑦ.
ᓄᓇᕗᒻᒥ ᑕᓚᕖᓴᒃᑯᑐᐊᖅ ᑕᓚᕕᓴᒃᑯᑦ ᑕᑯᒃᓴᐅᑎᑦᑎᔪᑦ, ᐅᖃᐅᓯᖃᖅᖢᑎᒃ ᒫᓐᓇ ᐱᔾᔪᑕᐅᔪᓂᒃ ᐊᒻᒪ ᖃᓄᐃᓕᐅᕈᑕᐅᔪᓂᒃ ᓲᕐᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᒃ, ᓇᓄᕐᓂᒃ, ᐅᖃᐅᓯᕐᒥᒃ ᐊᑐᖃᑦᑕᕐᓂᖅ, ᐃᒡᓗᕕᒐᖅ ᐱᒻᒪᕆᐅᓂᖓ, ᐊᒻᒪ ᕿᒻᒦᔭᖅᑕᐅᖃᑦᑕᕐᓂᖅ.
ᓂᕿᑦᓯᐊᑦ ᓴᖅᑭᔮᖅᑎᑦᑎᔪᑦ ᐱᕙᒌᔭᐃᓂᕐᒥᑦ ᓂᕿᓕᐅᕐᓂᕐᒥᒡᓗ ᐃᓄᐃᑦ ᓂᕿᑐᖃᖏᓐᓂᑦ, ᖁᕝᕙᕆᐊᖅᑎᑦᑎᓪᓗᑎᒃ ᓂᕿᑦᑎᐊᕙᖕᓂᑦ ᓂᕆᓂᕐᓂ ᖃᐅᔨᓴᕐᓂᕐᓂᒃᓗ ᓂᕿᖏᓐᓂ ᐃᒪᕐᒥᑦ, ᓯᑯᒥᑦ, ᓄᓇᒥᓪᓗ.
This article uses material from the Wikipedia ᐃᓄᒃᑎᑐᑦ article ᐃᓄᐃᑦ ᑕᑯᓐᓇᕋᑦᓴᓕᕆᔨᑦ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᐃᓄᒃᑎᑐᑦ (DUHOCTRUNGQUOC.VN) is an independent company and has no affiliation with Wiki Foundation.