Le Senato roman esseva le corpore deliberative e legislative del Republica roman e Imperio roman.
Con le Populo roman, le Senato formava le stato: senatus populusque romani. Le senatores constitueva un ‘ordine’ roman, con le equites e le plebe. Le senatores esseva assi le altissime nobilitate roman. Le majoritate de administratores e alte magistratos esseva senatores. Solmente cives roman mascule ric poteva acceder al Senato, e isto post exercer un magistratura minor. Il habeva 600 senatores post le reformas de Cesare Augusto.
Senato roman |
---|
instantia de: political institution[*], governing body[*], legislature[*], aristocracy[*] |
|
Ben que le imperatores incargava le Senato de multe responsabilitates, relationes inter iste corpore e le princes esseva sovente tense. Senatores como Helvidio Prisco o Tacito idolisava le republicanos nobile como Caton minor, Bruto e Ciceron; multe imperatores como Tiberio, Caligula o Neron non se fideva al Senato e persequeva plure membros de illo qui esseva suspecte de conjurationes. Senatores esseva in facto implicate in le assassinatos de Julio Cesare, Caligula e alteres. Totevia, desde le epocha de Cesare Augusto, le major parte del senatores esseva fidel al principato. Le approbation del Senato esseva necessari al installation official de un nove prince, e a su divinisation postume.
Formate pot’esser avante le regno roman (753 aEC), le Senato superviveva al regimes republican e imperial (alte e basse). Illo dispareva durante le regno ostrogothic (post 603 EC).
This article uses material from the Wikipedia Interlingua article Senato roman, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contento es disponibile sub CC BY-SA 4.0 salvo indication contrari. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Interlingua (DUHOCTRUNGQUOC.VN) is an independent company and has no affiliation with Wiki Foundation.