Renée Simonot

Illa era sposate con le actor Maurice Dorléac, e es le matre del actrices Catherine Deneuve e Françoise Dorléac, e le granmatre del actor Christian Vadim e del actrice Chiara Mastroianni.

Illa debutava al Theatro Odeon in 1918 al etate de 7. Primarimente un actrice theatral, illa remaneva illac 28 annos, tenente le position de prima donna. Su filia Catherine usa le supernomine original de Simonot, Deneuve, como su pseudonymo. Simonot, le pseudonymo de Renée, era le nomine de in cantator de opera qui cognosceva su familia.

Renée Simonot era un del prime actrices francese a comenciar le duplar del vices del filmes statounitese in Francia al principio del era de filmes parlante, in 1929 e durante le 1930s. Illa duplava in francese le voces de plure actrices de filmes de Hollywood, includente inter alteres Sylvia Sidney, Judy Garland, Esther Williams, e (in le major parte de su filmes) Olivia de Havilland (qui alsi deveniva un centenario).

Su prime filia, Danielle (cuje patre era le actor Aimé Clariond), nasceva quando Simonot non era sposate, le 15 de decembre. Dum duplar pro MGM, illa incontrava Maurice Dorléac con qui illa ha sposate se in 1940. Illes habeva tres filias: Françoise, Catherine, e Sylvie (nate le 14 de decembre 1946). Simonot era un vidua desde 1979 e viveva in Paris al tempore de su morte in 2021.

• 1921: Les Misérables (Cosette) per Paul Meurice e Charles Hugo, basate in le romance per Victor Hugo, Odeon Theatre
• 1922: Molière per Henry Dupuy-Mazuel e Jean-José Frappa, dirigite per Firmin Gémier, Odeon Theatre
• 1928: La Belle Aventure pet Gaston Arman de Caillavet, Robert de Flers e Étienne Rey, Odeon Theatre
• 1932: Le Favori per Martial Piéchaud, Odeon Theatre
• 1934: Jeanne d'Arc per Saint-Georges de Bouhélier, Odeon Theatre

 

Iste pagina contine material traducite ab Wiki in anglese. Le articulo original se trova a en:Renée Simonot, e es usate secundo le mandatos del licentia de Wiki Interlingua.