Mephitidae

Le moffettas o skunkes es parve mammiferos carnivore american, apparentate con le taxon.

Lor characteristica principal es le forte e fetide odor que lor glandulas anal secreta. Tal odor es emittite quando le moffetta se senti menatiate. Ante le emanation le moffetta prende un position corporal que varia secundo le specie: alcunes leva lor cauda, durante que altere species leva le patas posterior, appoiante se solmente sur le anteriores. In ultra, in situationes menaciante illos pote emitter un sono acute.

Lor pelle ordinarimente es blanc e nigre. Le moffettas es animales omnivore: illos se nutri de insectos, ovos, parve mammiferos, aves e melle.

Le moffettas vive in cubiles excavate per le feminas, que ha un periodo de gestation de 55 dies. Illas pare de 1 usque 10 pullos, que suge le lacte materne durante circa 10 septimanas. Durante le hiberno le moffettas entra in lethargo, que non es propriemente un hibernation complete.

Illos se attacca mutuemente ubicunque illos se incontra, e quando isto occurre illos se exalta e sole critar.

Subtaxones

Ecce alcun species de moffetta:

Mephitis

• Moffetta incappuciate o de cauda longe (Mephitis macroura)
• Moffetta striate o moffetta horribile (Mephitis mephitis)

Spilogale

• Moffetta punctate (Spilogale gracilis)
• Moffetta maculate (Spilogale putorius)
• Moffetta pygmeo (Spilogale pygmea)
• Moffetta de fronte stricte (Spilogale angustifrons)

Conepatus

• Chinga chilen (Conepatus chinga)
• Moffetta de naso porcin del est (Conepatus leuconotus)
• Moffetta de naso porcin striate (Conepatus semistriatus)
• Moffetta de macula blanc (Conepatus mesoleucus)
• Dakama (Conepatus humboldt)
• Moffetta brun (Conepatus castaneus)
• Moffetta royal (Conepatus rex)