Navigator Web Lynx

Lynx
instantia de: text-based web browser[*], software libere
data de creation: 1992
sito web official: https://lynx.invisible-island.net/
Commons: Lynx web browser

Le navigation in Lynx consiste de mover se al ligamine desirate con le claves de cursor (flechas) o con le clave TAB e postea vader al ligamine desirate con le clave ENTER.

Le versiones actual pote facer connexiones secur via Secure Sockets Layer e pote visualisar tabellas e quadros HTML.

Lynx es un producto del Gruppo pro Computation Distribuite intra Servicios de Computation Academic del Universitate de Kansas e esseva originalmente disveloppate per Lou Montulli, Michael Grobe e Charles Rezac. In 1995, Lynx esseva publicate sub le Licentia Public General de GNU e es nunc mantenite per un gruppo de voluntarios.

Lynx esseva originalmente designate pro Unix e VMS e remane le navigator a console le plus popular in le systema de operation Linux. Versiones recente se executa equalmente in Windows de Microsoft.

Lynx es le nomine anglese del lynce, un animal felin (lupo cervari). Le nomine es pronunciate como le parola anglese links (ligamines: un elemento essential del web).

• Links

• https://lynx.invisible-island.net/
• Extremely Lynx Archived 2004-12-08 at the Wayback Machine
• Lynx Viewer, servicio de visualisation Lynxoide
  • Wiki in Interlingua secundo Lynx Viewer

Iste articulo es un traduction del original in le Wikipedia anglese. Illo (o un version minus recente de illo) contine material del articulo super Lynx Archived 2002-05-10 at the Wayback Machine de FOLDOC, usate con permission.