Edward Jenner
Edward Jenner (17 de maio 1749 - 26 de januario 1823), medico britannic, celebre pro su discoperta del vaccination contra le variola.
Jenner nasceva in le contato de Gloucestershire, que ille rarmente quitava (James Cook le invitava a participar in su secunde circumnavigation del mundo sed ille declinava). Ille studeva primo in Cirencester Grammar School, e postea in London sub Hunter e alteres a St George's Hospital, e tosto esseva notate per homines de distinction scientific. Post le completion de su studio medic, Jenner retornava a su Gloucestershire native, e laborava como medico ambulante. Ille esseva eligite al Royal Society pro su observationes de habitudes del cucu, publicate in 1788.
| Edward Jenner | |
|---|---|
  | |
| Sexo | mascule |
| Nascentia | 1749-05-17 (Berkeley) |
| Decesso | 1823-01-26 (Berkeley) |
| Causa de decesso | accidente cerebrovascular[*] |
| Citatania | United Kingdom of Great Britain and Ireland[*] |
| Educate in | St George's, University of London[*], University of St Andrews[*], Katharine Lady Berkeley's School[*], Cirencester Grammar School[*] |
| Occupation | medico, naturalista[*], biologo[*] |
| Obras notabile | smallpox vaccine[*] |
| Conjuge | Catherine Kingscote[*] |
| Infantes | Edward Robert Jenner[*], Catherine Fitzhardinge Jenner[*], Robert Fitzhardinge Jenner[*] |
| Parentes | matre Sarah Head[*] patre Stephen Jenner[*] |
| Fratres/sorores | Henry Jenner[*] |
| Premios | Fellow of the Royal Society[*], Fellow of the American Academy of Arts and Sciences[*], Fellow of the Linnean Society of London[*], Fellow of the Royal College of Physicians of Edinburgh[*] |
| Lingua | anglese |
| Signatura |  |
| Identificatores | |
| ISNI | 0000000081123475 |
| VIAF | 32791168 |
| Commons | Edward Jenner |
Desde 1718 on habeva essayate de inocular variola in homines con pus obtenite de un persona infectate del mesme maladia; sed Jenner remarcava que feminas qui tractava vaccas sovente contraheva cow pox, le variola del vaccas (un maladia similar al variola, sed benigne: le febre dura alicun dies, pus super le manos de vaccatores) sed rarmente suffreva le variola. Ille faceva recercas pro confirmar iste facto, e initiava un experimento. Le 14 de maio 1796, ille prendeva pus del mano de un femina infectate del variola del vaccas, e lo introduceva in le mano de un puero qui non ancora suffreva alcun de iste maladias. Le puero disveloppava le variola del vaccas, e postea Jenner le infectava con le variola. Ille non disveloppava iste maladia, mesmo post multe essayos: le puero esseva vaccinate.
 | Wiki Commons ha files multimedia de: Edward Jenner |
This article uses material from the Wikipedia Interlingua article Edward Jenner, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contento es disponibile sub CC BY-SA 4.0 salvo indication contrari. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Interlingua (DUHOCTRUNGQUOC.VN) is an independent company and has no affiliation with Wiki Foundation.