Catto A Pedes Nigre
Le catto a pedes nigre (Felis nigripes) es un felino del regiones sic del sud de Africa.
Illo es le specie le plus parve del cattos e probabilemente es un cognato proxime del catto del deserto.
| Catto a pedes nigre Felis nigripes |
|---|
| specie de catto |
 |
| stato de conservation: vulnerabile |
| |
 |
| Identificatores e ligamines |
| ID NCBI: 61379 |
| ID EOL: 328666 |
| ID ITIS: 183800 |
| ID MSW: 14000054 |
| Commons: Felis nigripes |
Characteristicas
Le catto a pedes nigre ha un pelle brun clar, sur le qual se extende grande maculas e lineas nigre. Le patas es coperite de anellos large e obscur. Le plantas del pedes es totalmente nigre e pilose. Etiam le puncta del cauda spisse e curte es nigre. Le naso es micre, le aures es grande, e le testa es parve, large e oval. Le catto a pedes nigre attinge un longitude de 27 a 50 centimetros e un peso de 1 a 3 kilogrammas. Le cauda es inter 13 e 20 centimetros de longitude.
Comportamento
Iste catto es un animal nocturne e solitari que se activa duo o tres horas post le poner del sol. Illo chassa principalmente mammiferos minor como le mus, gerbillo e altere rodentes e musaraneas, ma etiam altere parve animales como lacertas, parve aves, araneas, termites e locustas. Illo es un bon cavator e attrappa multe predas per excavar los. Le catto a pedes nigre obtene liquido sufficiente ab su alimentos e rarmente o nunquam ha le necessitate de biber.
Propagation
Post un gestation de 63 a 68 dies, duo o tres juvenes nasce in novembre o decembre. Le masculo non adjuta al cura del juvenes.
Diffusion
Le catto a pedes nigre vive in le semidesertos, steppas e savannas aperte e sablose de Africa del sud, Botswana e Namibia, assi como le Capo occidental, le Kalahari e le Karoo. Illo prefere le terras a vegetation sparse, ma require arbustos, polline de herba o un termitiera in le quales celar se pro periculo.
Referentias
This article uses material from the Wikipedia Interlingua article Catto a pedes nigre, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contento es disponibile sub CC BY-SA 4.0 salvo indication contrari. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Interlingua (DUHOCTRUNGQUOC.VN) is an independent company and has no affiliation with Wiki Foundation.