Abuso Sexual De Infantes

Le abuso sexual causa damnos emotional al infantes. Alicunes del effectos non se monstra immediatemente ma appare quando le infante ha adolescite. Iste effectos include le depression, le disordine de stress post-traumatic, anxietate, un risco elevate de victimisation posterior, e vulneres physic. Le suicidio es un del effectos, victimas essente sex vices plus susceptibile a committer suicidio e octo vices plus susceptibile a tentar suicidio de plus in plus durante lor vita. Quando un infante es sexualmente abusate per un membro de familia, se tracta de "incesto," e causa trauma psychologic mesmo plus seriose e de longe termino, particularmente si le incesto es committite per un parente. Le major parte ma non tote abuso sexual de infantes es committite per pedophilos, adultos qui es sexualmente attrahite a infantes plus que a adultos.

Le abuso sexual de infantes non es rar. Circa un quarte parte de tote feminas e un decime parte de tote homines esseva sexualmente abusate durante lor infantia. Le majoritate del victimas juvenil cognosce lor abusator. Circa un tertie parte del abuso sexual de infantes es committite per un membro de familia, super toto patres, oncles o cosinos. Solmente circa un decime parte de casos de abuso sexual de infantes esseva committite per estranieros, e le resto es altere personas que le infante cognosce como amicos del familia, babysitters, o vicinos. Le homines perpetra le major parte del abuso sexual de infantes; le feminas es le culpabiles in circa 10% del casos.

• Waterman, Jill; Kelly, Robert J.; Oliveri, Mary Kay; and McCord, Jane (1993). Behind the Playground Walls - Sexual Abuse in Preschools. New York, London: The Guilford Press. ISBN 0-89862-523-8. 
• Davis, Laura; Bass, Ellen (1994). The courage to heal: a guide for women survivors of child sexual abuse: featuring "Honoring the truth, a response to the backlash". New York: HarperPerennial. ISBN 0060950668. 
• Lew, Mike. Victims No Longer (Second Edition) : The Classic Guide for Men Recovering from Sexual Child Abuse. Perennial Currents. ISBN 006053026X. 

Articulos publicate

• U.S. Dept. of Health and Human Services, Executive Summary of the Third National Incidence Study of Child Abuse and Neglect, Archived 2008-06-16 at the Wayback Machine 1996.
• Vigil, J. et al., A Life History Assessment of Early Childhood Sexual Abuse in Women, Archived 2008-05-30 at the Wayback Machine Developmental Psychology, 2005.

 

Iste pagina contine material traducite ab Wiki in anglese simple. Le articulo original se trova in le version 3809857 de simple:Child sexual abuse, e es usate secundo le mandatos del licentia de Wiki Interlingua.