Šupy

	Tutón nastawk z temu ród Procyon je po hesle na druhi nastawk podobny. Druhe hesło šup ma temu družina Procyon lotor.

Šupy

Šup (Procyon lotor)
systematika
domena	Eukaryoty
swět	Zwěrina
podrjadownja:	(Eutheria)
nadrjad:	Laurasiatheria
rjad:	Rubježne zwěrjata Carnivora
nadswójba:	(Canoidea)
swójba:	Procyonidae
ród:	Šupy
wědomostne mjeno
Procyon
Storr (1780)
p • d • w

Wot sydom družinow je jedna tež w Europje zdomjacnjowana.

Šupy docpěja dołhosć wot něhdźe 40 hač do 70 cm. Barbjenje je šěre hač čornojte, mjeztym zo maja čorny muster we wobliču. Wone su wšožrački a móžeja derje lězć a płuwać.

Sydom družinow je w sewjernej, srjedźnej a južnej Americe domjace.

 

Ród šupow so do sydom družinow rozdźěli:

• (Sewjeroameriski) šup (Procyon lotor) je najdale rozšěrjeny a najlěpje přeslědźowany zastupnik roda. Prěnjotnje wot južneje Kanady hač Panamy rozšěrjeny, wón je mjeztym tež w Europje domjacy.
• Krabowy šup (Procyon cancrivorus) je w Južnej Americe domjacy.
• de:Tres-Marias-Waschbär (Procyon insularis) je na Tres-Marias-kupach před zapadnym pobrjozom Mexiko endemiski.
• Bahamaski šup (Procyon maynardi) je žiwy jenož na kupje New Providence, kotraž k Bahamam słuša.
• Guadeloupe-šup (Procyon minor) je na Antilowej kupje Guadeloupe endemiski.
• Cozumel-šup (Procyon pygmaeus) je žiwy na kupje Cozumel před mexiskej połkupu Yucatán.
• Barbadosowy šup (Procyon gloveralleni) na Karibiskej kupje Barbadosy wustupowaše. Posledni eksemplar bu w lěće 1964 wuhladany, tak zo družina płaći jako wotemrěta.

• Meyers Taschenlexikon Biologie, In 3 Bänden, 3. zwjazk, ISBN 3-411-12033-9, strona 267 (němsce)