Sima Milutinović (tež Milutinović-Sarajlija po ródnym měsće; * 14.
oktobra">14. oktobra 1791 w Sarajewje; † 11. januara 1848 w Běłohrodźe) bě južnoserbski basnik, filologa a stawiznar, kiž płaći – hromadźe z Vukom Karadžićom – jako załožer nowoserbiskeje literatury.
Milutinović bydleše wot 1825 do 1827 w Lipsku, hdźež zezna tehdyšeho studenta teologije Handrija Zejlerja, kotrehož tež materielnje podpěrowaše. W Lipsku wuda Milutinović tři zběrki swójskich basnjow (Serbianka, Nekolike pjesnice stare (wobě 1826) a Zorica, 1827). Wot 1827 přebywaše w Čornej Horje při dworje tamnišeho wjercha-biskopa Petra Petrovića-Njegoša, kiž zmóžni jemu wudawanje bohateje zběrki serbiskich ludowych pěsnjow a Stawiznow Čorneje Hory.
Wot lěta 1840 bě Milutinović zaso w Serbiskej a měješe wysoke zastojnstwo w kubłanskim ministerstwje.
This article uses material from the Wikipedia Hornjoserbsce article Sima Milutinović, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.