Pawoł Šołta (němsce Paul Scholze; * 16.
januara">16. januara 1934) je serbski baritonowy solist.
Narodźi so jako druhe dźěćo Jakuba Šołty a jeho mandźelskeje Marje. Po šuli nawukny najprjedy powołanje blidarja. Jako so 1952 Serbski ludowy ansambl załoži, požada so tam jako spěwar chóra. Zo by swoje spěwne kmanosće dale wuwił, poda so 1960 na dalokostudij na wyšu šulu za hudźbu "Carl Maria von Weber" w Drježdźanach. Zakónči studij jako bariton solist a bu rady w tu- a wukraju knihowany jako interpret serbskich wuměłskich a ludowych spěwow.
Składnostnje jeho 40-lětneho jubileja skutkowanja wuda wón z Janom Bělkom a nakładnistwom SERVI zynkonošak Domizna moja, lubozny krajo. Pawoł Šołta, portret serbskeho spĕwarja.
This article uses material from the Wikipedia Hornjoserbsce article Pawoł Šołta (1934), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.