Paliwaka: Serbska dźiwadłowa hra
Paliwaka je serbska alegoriska dźiwadłowa hra z pjera Jurja Wjele.
Zakład w lěće 1936 spisaneje hry je legenda wo boju Swjateho Jurja z paliwaku. Tomu wotpowědujo rěka tež hłowna wosoba Wjeloweje hry Jurij, kiž wojuje přećiwo wohroženju serbstwa. Hra płaći jako symbol spjećowanja Serbow přećiwo nacionalsocializmej.
Předstajenje „Paliwaki“ na Kopšinjanskim hrodźišću před 5000 přihladowarjemi dnja 16. awgusta 1936 bě jedne z poslednich dowolenych serbskich zarjadowanjow pod nacionalsocialistiskim knjejstwom. Wone bu inscenowane pod režiju Pawoła Kmjeća wot serbskeho studentstwa jako wjeršk poslednjeje dowójnskeje schadźowanki, kiž so w susodnych Chrósćicach wotmě. Do toho bě so hra hižo w Bukecach a Radworju předstajiła.
This article uses material from the Wikipedia Hornjoserbsce article Paliwaka, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.