Michał Šewčik (* 7.
měrca">7. měrca 1870 w Baćonju; † 26. februara 1903 w Klóštrje Marijineho doła) bě serbski farar, stawiznar a publicist.
Michał Šewčik – młódši bratr Jurja a Jakuba Šewčika – narodźi so jako syn kublerja w Baćonju. Wot lěta 1885 do 1894 běše wón chowanc Serbskeho seminara w Praze, hdźež wopyta spočatnje němski Małostronski gymnazij a hdźež studowaše wot 1890 teologiju, ale tež filozofiju, sociologiju, stawizny a słowjanske rěče. Wot 1894 skutkowaše Šewčik lěto jako kapłan w Ralbicach a wot 1895 do 1902 jako kapłan a 1902 tež jako farar w Lubiju. Chorosće dla dyrbješe so wón časćišo w Karlowych Warach lěkować a poda so hižo na smjerć chory w februaru 1903 do Klóštra Marijineho doła, hdźež krótko po tym zemrě.
Šewčik, čłon Serbowki, wozjewi w jeje Kwětkach a časopisu Łužica wšelake kulturnohistoriske pojednanja, wosebje k stawiznam serbskeho studentstwa a dopisowaše tež do Katolskeho Posoła a Krajana. Wón bu 1890 prěni serbski knihownik Serbskeho seminara a zrjadowa z Janom Justom tehdy 800 zwjazkow ličacu serbsku knihownju znowa. Składnostnje połstalětneho jubileja Serbowki wuda Šewčik prěni a druhi zwjazk Jubilejnych spisow Serbowki pod titulomaj Basnje a Stawizny.
Michał Šewčik bě wot lěta 1890 čłon Maćicy Serbskeje.
This article uses material from the Wikipedia Hornjoserbsce article Michał Šewčik, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.