Lědy: Wjes w Błótach, gmejnski dźěl Lubnjowa

Cyła wjes steji pod pomnikoškitom.

Lědy
Lehde

DEC
město:	Lubnjow
zagmejnowanje:	1974
wysokosć:	50 metrow n.m.hł.
51.86333333333313.99027777777850 Koordinaty: 51° 51′ 48″ S, 13° 59′ 25″ W
póstowe čisło:	03222
předwólba:	03542
wotwodźene słowa:	wobydler/ka: Lěźanaŕ/-ka adjektiw: lěźański skłonowanje: , tam, Lědy, , tam
Historiska Błótowska chěža na Lědach
wikidata: Lědy (Q1624508)

Na Lědach nadeńdźe so Błótowski muzej pod hołym njebjom z třomi typiskimi Błótowskimi statokami.

Lědy leža něhdźe połdra kilometra juhowuchodnje Lubnjowskeho stareho města na wjacorych kupach wosrjedź Błótow a běchu přez lětstotki jeničce přez jednu z wjele rěkow přistupne. Najwažniše ze zwjetša jenož meter hłubokich kanalow a rěčkow su Dolska, kotraž wjedźe do sewjera, Lěška, kotraž wjedźe z Lubnjowa přez same Lědy dale do Hornich Błótow a Giglica, kotraž zwjazuje Lědy z hłownej Sprjewju na juhu. Prěni kruty puć mjez Lubnjowom a Lědami bu hakle w lěće 1929 wotewrjeny. Dodawanje póšty kaž tež wotstronjenje wotpadkow so hač do dźensnišeho přez rěki wotměwatej.

Dla swojeho njewšědneho połoženja a do dalokeje měry zdźeržaneho charaktera jako tradicionelna Błótowska wjeska su Lědy woblubowany turistiski cil. Sewjerowuchodnje wsy leži historiski hosćenc Wótšowska.

Wjeska naspomni so prěni raz w lěće 1315 we wopismje wo předawanju Lubnjowa. Ze serbšćiny pochadźace mjeno woznamjenja telko kaž „prózdne, njewobtwarjene městno“ (přir. lědma, lědom, lědy). W lěće 1719 zasadźeny wučer Martin Müller rozprawješe, zo je wón jenički we wsy, kiž němsce rěči. Poslednje serbske kemše w Lubnjowskej cyrkwi swj. Mikławša wotměchu so 1874, ale na Lědach so tež we 1880tych lětach hišće zwjetša serbsce rěčeše (74 %), kaž Arnošt Muka w swojej Statistice naspomni. Porno tomu zwěsći Arnošt Černik něhdźe 70 lět pozdźišo jenož hišće jeničkeho serbskorěčneho wobydlerja. Poslednja Lědźanska žona, kotraž serbska chodźeše a serbsce rěčeše, zemrě w lěće 1976. We wjele ležownostnych mjenach je so serbska rěč pak wobchowała.

• Christel Lehmann-Enders, Ute Henschel: Das Spreewalddorf Lehde. Spreewald-Museum (wud.), Lubnjow/Lědy 1996
• Theodor Fontane: Wanderungen durch die Mark Brandenburg, zwjazk 4 (Spreeland) „In den Spreewald“

  Commons: Lehde/Lědy – Zběrka wobrazow, widejow a awdiodatajow

• Lědy w datowej bance delnjoserbskich městnych mjenow na dolnoserbski.de (delnjoserbsce)

 

Gmejnske dźěle Lubnjowa

Bobolce (Boblitz) | Buchow (Groß Beuchow) | Cerkwica (Zerkwitz) | Dłopje (Kittlitz) | Klěšow (Groß Klessow) | Kśimnice (Krimnitz) | Lubń (Groß Lübbenau) | Lědy (Lehde) | Lipje (Leipe) | Radyńc (Klein Radden) | Rogow (Ragow) | Wótšowc (Bischdorf) | Želnjojce (Hindenberg)