Korla Bohuwěr Šěca (němsce Karl Traugott Schütze; * 26.
awgusta">26. awgusta 1858 w Klukšu, † 17. nowembra 1938 w Rachlowje) bě serbski wučer, přirodospytnik a spisowaćel.
Narodźi so jako syn wojnarja w ewangelskej wsy Klukš a wopytowaše wot 1872 do 1877 Krajnostawski wučerski seminar w Budyšinje. Potom bě wot 1877 do 1921 z wučerjom wjesneje šule w Rachlowje pod Čornobohom. Jako slědźer wo mjetelach je sej mjezynarodnje připóznaće nadźěłał. Dokładnje přeslědźeše kónčinu wokoło Čornoboha. W serbskich a němskich časopisach wozjewješe wědomostne a popularnowědomostne studije kaž tež domiznowědne nastawki, wosebje wo serbskich kónčinach južnje a wuchodnje Budyšina, ale tež pućowanske wobrazki z Triesta, Helgolanda a Mecklenburgskeje.
Korla Bohuwěr Šěca woženi so w lěće 1881 z Annu Emiliju Albertec z Rachlowa. Najmłódše z jeju pjeć dźěći bě domiznowědnik, wučer a botanikar Božidar Šěca (1900–1986). Tamne dźěći běchu Jan Jurij (* 1883), Hana Rejza (* 1886), Jurij Marko (* 1888) a Pětr Wladimir (* 1894). Šěcowy row nadeńdźe so na nowym kěrchowje w Bukecach.
Šěca bě wot lěta 1879 čłon Maćicy Serbskeje.
This article uses material from the Wikipedia Hornjoserbsce article Korla Bohuwěr Šěca, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.