Jurij Čornak: Serbski politikar, zapósłanc zwjazkoweho sejma
Jurij Čornak (němsce Georg Zschornack; * 23.
nowembra">23. nowembra 1934 w Nowej Wjesce, † 25. februara 2015) bě serbski młynk, inženjerski ekonom, předewzaćel a politikar (DBD a FDP).
Wón bě wot 1960 čłon Demokratiskeje ratarskeje strony (DBD) a bě wot 1960 do 1990 jeje předsyda w Šešowje kaž tež čłon Njeswačanskeje gmejnskeje rady. Wot 1988 do 1990 bě nimo toho Budyski wokrjesny předsyda DBD.
Při prěnich swobodnych wólbach do Ludoweje komory NDR w měrcu 1990 bu Čornak woleny do poslednjeho parlamenta NDR. Při rozpušćenju DBD w awgusće 1990 přestupi do Swobodneje demokratiskeje strony (FDP) a bě w oktobrje jedyn ze 144 zapósłancow, kiž zaćahnychu z Ludoweje komory do Zwjazkoweho sejma. Cyłoněmskemu sejmej přisłušeše pak jenož hač do decembra 1990.
Wotkaz
- Krótkobiografija (němsce)
This article uses material from the Wikipedia Hornjoserbsce article Jurij Čornak, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.