Bóšicy: Gmejna w Budyskim wokrjesu
Bóšicy (němsce Puschwitz) su wjes a gmejna něhdźe dwanaće kilometrow sewjerozapadnje Budyšina w Hornjej Łužicy.
Słušeja ke zarjadniskemu zhromadźenstwu Njeswačidło. Gmejna je po ličbje wobydlerstwa najmjeńša w Budyskim wokrjesu a pjata najmjeńša cyłeje Sakskeje.
| němsce | Puschwitz | |
| ||
| Zakładne daty | ||
|---|---|---|
| stat |  Němska | |
| zwjazkowy kraj |  Sakska | |
| wokrjes | Budyski | |
| wysokosć | 180 metrow n.m.hł. | |
| přestrjeń | 11,79 km² | |
| wobydlerstwo | 760 (31. dec 2022) | |
| hustosć zasydlenja | 64 wob. na km² | |
| póstowe čisło | 02699 | |
| předwólba | (+49) 035933 | |
| awtowa značka | BZ, BIW, HY, KM | |
| Politika a zarjadnistwo | ||
| wjesnjanosta | Stanij Ryćer (Rjemjesło Bóšicy) | |
| adresa | Dwórnišćowa 1 02699 Njeswačidło | |
| Połoženje Bóšic w Sakskej | ||
 | ||
wikidata: Bóšicy (Q93283) | ||
Gmejna słuša do připóznateho sydlenskeho ruma Serbow w Sakskej. Wosebje w Jaseńcy, Łusču, Nowej Jaseńcy a na Horje rěči wulki dźěl wobydlerstwa serbsce.
Geografija a wobchad
Bóšicy leža w srjedźišću Budyskeho wokrjesa. Južnje gmejny běži awtodróha A 4. Tuta je přez wujězdaj Słona Boršć a Horni Wujězd(něhdźe 8 km) docpějomna. Wuchodnje gmejny běži B 96. Přez gmejnske dźěle Wětrow, Bóšicy a Jaseńca wjedźe statna dróha S 98.
Stawizny
Prěnje historiske naspomnjenje wsy jako Bisziz pochadźa z lěta 1245.
Wobydlerstwo a rěč
W lěće 1884 měješe wjes po Mukowej statistice 244 wobydlerjow, z nich 204 Serbow (80 %). Arnošt Černik zwěsći 1956 serbskorěčny podźěl wobydlerstwa wot hišće 61,8 %.
Po ludličenju w lěće 2011 bydlachu we wsy 98 wobydlerjow w přerěznej starobje wot 41 lět (Sakska: 46,4).
W samsnym lěće bě 49 % gmejnskich wobydlerjow katolskeje a 17 % ewangelskeje konfesije. Ewangelscy wobydlerjo přisłušeja Njeswačanskej wosadźe, katolscy Chróšćanskej.
Wjesne dźěle
Do Bóščanskeje gmejny słušeja slědowace wsy:
| wjes | wob. | přer. staroba | ♀/♂a | kwocient młodychb | kwocient starychc | wosoby/ domjacnosć |
|---|---|---|---|---|---|---|
| Bóšicy | 98 | 41,0 | 100 | 23 | 19 | 2,6 |
| Hora | 67 | 38,1 | 97 | 45 | 23 | 2,8 |
| Jaseńca | 169 | 42,6 | 109 | 29 | 32 | 2,9 |
| Łusč | 88 | 40,9 | 91 | 29 | 29 | 2,7 |
| Nowa Jaseńca | 53 | 45,9 | 104 | 24 | 36 | 2,4 |
| Nowe Bóšicy | 65 | 47,6 | 86 | 18 | 45 | 2,7 |
| Nowy Łusč | 51 | 40,0 | 122 | 44 | 44 | 3,2 |
| Wětrow | 296 | 46,8 | 119 | 17 | 38 | 1,9 |
| gmejna | 887 | 43,7 | 107 | 25 | 33 | 2,4 |
| podaća po cencusu 2011; staw: 9.5.2011 a: ličba mužow na 100 žonow b: poměr ličby wosobow pod 18 lětami k 100 wosobam mjez 18 a 65 c: poměr ličby wosobow nad 65 lětami k 100 wosobam mjez 18 a 65 | ||||||
Politika
.jpg)
Gmejna słuša k sakskemu wólbnemu wokrjesej 55 (Budyšin 4) a k zwjazkowemu wólbnemu wokrjesej 156 (Budyšin I).
Gmejnska rada
Bóšičanska gmejnska rada ma tuchwilu dwanaće čłonow. Komunalne wólby lěta 2019 mějachu slědowace wuslědki:
| Strony a zjednoćenstwa | 2019 | 2014 | ||
|---|---|---|---|---|
| % | sydła | % | sydła | |
| Rjemjesło Bóšicy | 51,7 | 5 | 59,9 | 6 |
| Łužiske wolerske towarstwo Bóšicy | 48,3 | 5 | 40,1 | 4 |
| cyłkownje | 100,0 | 10 | 100,0 | 10 |
| wobdźělenje | 66,6 % | 52,2 % | ||
Gmejnskej radźe přisłušeja wot 2019 slědowacy radźićeljo:
- Rjemjesło Bóšicy: Sebastian Meißner, Georg Müller, Krystof Šołta, Markus Bjarš, Alojs Bjarš
- Łužiske wolerske towarstwo Bóšicy: Robert Šołta, André Macala, Měrćin Šołta, Bjarnat Cyž, Matthias Wowčer
Wjesnjanosta
Čestnohamtski wjesnjanosta Bóšic je wot lěta 2008 Stanisław Ryćer, kiž bu posledni raz při wólbach 2022 z 92,5 % w zastojnstwje wobkrućeny.
| wólba | wjesnjanosta | namjet | wuslědk (%) |
|---|---|---|---|
| 2022 | Stanij Ryćer | Ryćer | 92,5 |
| 2014 | Rjemjesło Bóšicy | 57,6 | |
| 2008 | 93,0 | ||
| 2001 | Frithjof Kallenbach | 95,6 |
Wosobiny
- Mikławš Cyž (1825–53) – duchowny, spisowaćel, basnik; rodźeny w Bóšicach
- Pawoł Erich Krawc (1907–95) – pedagoga, ludowědnik, domiznowědnik; rodźeny w Bóšicach
- Bjarnat Rachel (1907–73) – wučer, redaktor, lektor; rodźeny w Nowych Bóšicach
Hlej tež
Žórła
Wotkaz
Commons: Bóšicy – Zběrka wobrazow, widejow a awdiodatajow
Biskopicy | Bóšicy | Budestecy | Budyšin | Bukecy | Dobruša-Huska | Frankenthal | Großharthau | Großnaundorf | Halštrow | Halštrowska Hola | Haselbachtal | Hodźij | Hornja Hórka | Chrósćicy | Kamjenc | Kinspork | Kubšicy | Kulow | Kumwałd | Łaz | Łuty | Łužnica | Malešecy | Neukirch | Njebjelčicy | Njedźichow | Njeswačidło | Ohorn | Ottendorf-Okrilla | Pančicy-Kukow | Połčnica | Porchow | Radeberg | Radwor | Rakecy | Ralbicy-Róžant | Ramnow | Sćenjow | Sepicy | Smělna-Póckowy | Sprjewiny Doł | Swětła | Šěrachow-Korzym | Wachow | Warnoćicy | Wjazońca | Wjelećin | Wojerecy | Wołbramecy | Worklecy | Wóslink | Wóspork | Wulka Dubrawa | Wulke Rědorjecy | Załom | Zemicy-Tumicy
Zarjadniske zjednoćenstwa/zwjazki:
Biskopicy | Budestecy-Hornja Hórka | Großharthau | Kinspork | Njeswačidło | Połčnica | Při Klóšterskej wodźe
This article uses material from the Wikipedia Hornjoserbsce article Bóšicy, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.