Shiromaniam Madhavan
Shiromaniam Madhavan (1944 - 29 June 1994), jon ki National Federation Party (NFP) ke suruu kare waala ek jan ke larrkaa rahaa aur Labasa Town Council aur House of Representatives me aapan sewa diis rahaa, Fiji ke jaada Hindustani waala tiino Party ke member koi na koi dafe rahaa.
| Shiromaniam Madhavan | |
|---|---|
| Janam | 1944 |
| Maut | 29 June 1994 |
| Citizenship | Fiji Citizen |
| Jaati | Hindustani |
| Citizen | Fiji Citizen |
| Jaana jaawe hae | Politician |
| Dharam | Christian |
Uske janam Labasa, Fiji 1944 me bhaes rahaa aur uu Vanua Levu ke ek bahut din ke politician, James Madhavan,ke larrka rahaa. 1960s me uu Air Pacific Employees' Association ke suru karis rahaa, aur uu iske Secretary aur President bhi rahaa. Uu 1963 se politics me rahaa aur 1973 me Labasa Town Council me chuna gais rahaa aur 1978 me mayor banaa. 1982 me uu Council me fir se chuna gais lekin ii dafe uu independent rahaa.
1974 me, Leader of the Opposition (S.M. Koya) uske Senate ke khatir nominate karis. September 1977 election,me uu NFp ke Dove Faction, jiske leader Koya rahaa, ke support karis rahaa. 1987 general election, me uu Alliance ke bagal se Labasa/Bua Indian Communal Constituency me kharraa bhaes rahaa aur uu ek baraa vote se NFP-Labour Coalition opponent se haar gais.
Baad me Madhavan,Fiji Labour Party ke member ban gais aur Labasa Indian Constituency ke khatir 1992 general election me kharraa bhaes rahaa. 1994 general election me uu aapan ek purana dost Shree Ramlu (NFP) se ii seat ke khatir ke election haris. Ii election ke campaign ke timme uu bemaar hoe gais rahaa aur aspataal me band rahaa aur uske barraa larrkaa, Prameshwaran aur larrki, Vijay Madhavan uske khatir campaign karis.
Uske maut 29 June 1994 ke ek lambaa bemari se bhaes. Uu aapan picche aapan paanch larkan, Vijay Latchmi Shardaanjali Madhavan, Prameshwaran Shiromaniam Madhavan, Vanita Vilashni Madhavan, Pratibha Priyadarshani Madhavan aur Vinay James Madhavan ke chhorr gais hae.
References
This article uses material from the Wikipedia Fiji Hindi article Shiromaniam Madhavan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Agar duusra kaaran nai dewa gais hae, tab aap ii panna me likha gae chij ke aap CC BY-SA 4.0 ke niche kaam me lae sakta hai. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Fiji Hindi (DUHOCTRUNGQUOC.VN) is an independent company and has no affiliation with Wiki Foundation.