Fiji Justice And Freedom Party
Justice and Freedom Party (JFP), jiske AIM ke naam se bhi jaana jaawat rahaa, Fiji ke ek chhota political party rahaa jiske 2000 me Fiji ke Hindustani ke unnati ke khatir suruu karaa gais rahaa, aur jon 2001 ke election me kuchh candidate kharraa karis rahaa lekin uske 0.1 percent se kamti vote mila.
Iske General Secretary , Dildar Shah rahaa.
2001 ke election me iske candidate rahin:
- Manoj Singh - Bua Macuata West Open Constituency
- Aleem Shah - Labasa Indian Communal Constituency
- Umesh Chand - Labasa Rural Indian Communal Constituency
- Dildar Shah - Vanua Levu West Indian Communal Constituency
2006 ke election ke taiyaari me 3 April ke JFP aapan manifesto publish karis jisme uu ii waada karis ki uu Commonwealth of Nations aur United Nations ke petition kar ke ii maang kai ki United Kingdom aur Australia, Fiji me Hindustani logan ke laawe ke responsibility le. JFP, ii bhi waada karis ki Fiji ke Hindustani larrkan ke khatir ek $10 million dollar ke scholarship fund banawa jaai. Ii Party Fiji ke Hindustani logan ke khatir dual citizenship ke bhi maang karis jisme Australia aur UNited States me rahe waala Fiji ke Hindustani ke Fiji ke bhi citizenship dewa jaae aur Fiji me rahe waala Hindustani ke United Kingdom ke citizenship dewa jaae.
7 April ke JFP National Alliance Party of Fiji se mil gais aur Shah aur uske aur kuchh member ke Party ke ticket mila
References
This article uses material from the Wikipedia Fiji Hindi article Justice and Freedom Party (Fiji), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Agar duusra kaaran nai dewa gais hae, tab aap ii panna me likha gae chij ke aap CC BY-SA 4.0 ke niche kaam me lae sakta hai. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Fiji Hindi (DUHOCTRUNGQUOC.VN) is an independent company and has no affiliation with Wiki Foundation.