Amongo
Amongo yito u yilalamo lonto ti'ohu hepomake pohumbata potihulo'alo meyambo pohumbata bubalata.
Mowali olo pohumbata pohiladelo pale meyambo binte. Ngopohiya lo ti'ohu, woluwo olo uweewoliyo u hewalamolo pohutu amongo. Woluwo u tangguliyo tintilo, ponelo wawu tiladu. Tintilo dungiyo lombiyata totolu to'u ngopata. Ponelo dungiyo mohumayawa wolo ponta wawu oduhiliyo. Wonu tiladu wohutiyo u gaga walamolo.
Dabo ti'ohu u lebe ngohuntuwa u hewalamo lotawu pohutu amongo. Ti'ohu biasaliyo hitumula to pangimba u otaluhu. Woluwo u hitumula lohilaliyo, woluwo olo u pilomulo wawu hebiyahu lotawu. To'u lapato totobu mayi, ti'ohu musi yiladelo sambe mohengu. Mohilade ti'ohu botiye 2-4 hayu bolo mohengu gaga. Alihu gaga laku lo amongo, ti'ohu lahelo wolo kasumba meela, moyidu wawu molalahu. Mowali gaga laku lo'amongo wonu yilalamo hebako-bakowa warnaliyo.
Lapato lahelo pooli maa popowototolo taluhiyo sambe mohengu. Wonu maa mohengu pata'o bolo bolutalo alihu mali motidepa'o, de'uwito bolo walamolo. Masa botiya didu boti ngohuntuwa tawu hepomakeya amongo monto ti'odu. Maa woluwo amongo monto plastik hepotaliliyo to patali u hepomake lotawu.
Referensi
This article uses material from the Wikipedia Hulontalo article Amongo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tuwango woluwo to tibawa lo CC BY-SA 4.0 ngopohiya lo uweewo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hulontalo (DUHOCTRUNGQUOC.VN) is an independent company and has no affiliation with Wiki Foundation.