रिक्टर, बर्टन
रिक्टर, बर्टन : (जल्म: 22 मार्च 1931, ब्रुकलिन, न्यूयॉर्क).
अमेरिकन भौतिकविज्ञ साय ह्या नव्या मूलकणाचो सोद एकाच वेळार पूण स्वतंत्रपणान लायिल्लेखातीर रिक्टर बर्टन आनी मॅसॅच्युसॅट्स इन्स्टिट्यूट ऑफ टेक्नॉलॉजीचो प्राध्यापक सॅम्युएल सी. सी. टिग हांकां नोबॅल पुरस्कार वांटून मेळ्ळो.
रिक्टंर हाणें मॅसॅच्युसेट्स इन्स्टिट्यूट ऑफ टॅक्नॉलॉजींतल्यान बी. एस्. (1952) आनी पी.एच्. डी. (1956) ह्यो पदव्यो घेतल्यो. 1956-59 वर्सा तो स्टॅनफर्ड विद्यापिठांतल्या हाय एनर्जी फिझिक्स लॅबोरेटरींत भौतिकीचो संशोधन सहाय्यक आशिल्लो. उपरांत स्टॅनफर्ड विद्यापिठांत तो साहाय्यक प्राध्यापक (1959-63) आनी सहयोगी प्राध्यापक (1963-67) आशिल्लो आनी 1967 वर्सासावन प्राध्यापक आशिल्लो. स्टॅनफर्ड लिनिअर अँक्सिलरेटर सँटराचो तो 1982-84 ह्या काळांत तांत्रिक संचालक आशिल्लो आनी 1984 वर्सासावन संचालक आसा. जिनीव्हाच्या युरोपियन ऑर्गनायझेशन फॉर न्युक्लिअर रिसर्च (सर्न) हे संस्थेंतूय ताणें 1975-76 ह्या काळांत काम केलें.
नोबॅल पुरस्कारा भायर रिक्टर हाका 1975 वर्सा ई. ओ. लॉरॅन्स पुरस्काराचो भोवमान मेळ्ळो. तो अमेरिकेच्या नॅशनल अँकॅडेमी ऑफ सायन्सीसचो वांगडी आसा. 1963-82 ह्या काळांत ताचे 150 परस चड संशोधनात्मक निबंद विंगड विंगड वैज्ञानिक नेमाळ्यांनी उजवाडा आयले. -कों. वि. सं. मं.
संदर्भ
This article uses material from the Wikipedia गोंयची कोंकणी / Gõychi Konknni article रिक्टर, बर्टन, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.