गोविंद तळवलकर
'गोविंद तळवलकर' गोविंद तळवलकर हो पत्रकार आनी 25 पूसतकाचो लेखक
जल्म
गोविंद तळवलकर हांचो जल्म 22 जुलय 1925 दिसा डोबिवलींत जालो.
वेगवेगळी संपादका
1947 वर्सा बीए जातकच शंकरराव देव हांच्या नवभारतांत तांणी कामा करपाक सुरवात केली. बारा वर्सा ते लोकसतांत उपसंपादक म्हूण काम करताले. 1962-67 मजगतीं तांकां महाराष्ट्र टाइम्सांत काम करपाची संद मेळळी. 1968त महाराष्ट्र टार्इम्सच्या संपादकपदाची जापसालदारकी तांणी सिवकारली आनी फुडे 1996 मेरेन महाराष्ट्र टार्इम्सा सारक्या आघाडेच्या दिसाळ्याचे संपादक महणून आपली कारकीर्द गाजयली.
ताचे काम
महाराष्ट्र टार्इम्साक महाराष्ट्रांतले एक प्रभावी, परिणामकार दिसाळें म्हणून घडांवपांत तळवलकरांचो शिंवाचो वांटो आसा. महाराष्ट्र टाइम्सा वांगडा तांणी इंग्लीश दिसाळ्यांतल्यान आनी सातोळ्यांतल्यान तांचें लिखाणूय विशेश गाजले. ‘अग्रलेखांचो बादशा’ ही उपाधी सार्थ थारोवपी तळवलकरान आपल्या अग्रलेखांतल्यान संपादकीय भाश्याचो एक प्रकारचो शेक निर्माण केल्लो. तांची विदवत्ता, चौफेर व्यासंग, बहुश्रुतता, लेखनांतली अचुकताय, भाशे वयलें प्रभुत्व हांकां लागून तांचे अग्रलेख वजनदार दिसतात.
लेखनांतल्यान तांची आधुनीक विचारसरणी आनी पुरोगामी हष्टिकोन हांचो प्रत्यय येता. तळवलकारान तोंकाची पक्षनिश्ठ वा व्यक्तिनिश्ठा केत्राच बाळगिली ना.एका संपादकाक सोबशी पूर्वग्रह विग्यत विश्र्लेशक दुष्टी तांचे कडेन आशिल्ली. हाचो प्रत्यय तांच्या आणिबाणी आनी उफ्रांच्या काळांतल्या लिखाणांतल्यान येता. आणिबाणी उपरांत 1980त इंदिरा गांधी हांच्या फुडारपणा खाला जेन्ना परत काँग्रेस सत्तेर आयली तेत्रा ते ह्या पक्षाचे कडवे टिकाकार जाले.
पटनासपी राजकारणचेर तांणी बडी मारली. आपली मतां परखडपणान आनी निर्भीडपणान मांडली तरी तांची शैली केत्राच मर्यादा हुपपी नाशिल्ली.
This article uses material from the Wikipedia गोंयची कोंकणी / Gõychi Konknni article गोविंद तळवलकर, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.