Gospel of Mark
देवनागरी |
दुस्रें शुभवर्तमान मार्कून बरयलें. नव्या करारांत ताका खूब पावटी “जुांव मार्कू” म्हणटात. ताका आनी ताचे आवयक पुर्विले पवित्र-सभेंत व्हड मान आल्सो. जेरुसाल्यांत तांचें घर आसलें आनी थयचीं क्रिसतांव भावभयण आपल्या जमातिंक त्या घरांत एकठाय जातालीं. पावलून आनी बार्नाबासान सिपरूस जुंव्यार धरंपर्गटणेची भंवडी केली तेदना, मार्कू तांच्या भागा आल्सो. रमाक आसताना, ६०व्या वर्सा, क्रिसतांव जाल्ल्या लकाक मार्कून ग्रीक भाशेन आपलें शुभवर्तमान बरयलें. पयलीं थावन क्रिसती लकान मानून घेतलां त्या पर्माणें, पेद्रुची शिकवण बरवन दवर म्हण रंकारांनीं मार्कू कडें मागललें.
मार्कुचो हेतू म्हळ्यार जेजू आंचो सडवणार आनी देवाचो पूत म्हण दाखवंक. ह्या कारणा पासत मार्कू जेजुच्या प्रवचना परस ताच्या अचरियांची अदीक खबर कर्ता. पूण थड्यो घडणियो दिता त्यो इतले बारिक्साणीन दिता, की त्यो ताणें खाशा पळेल्योश्यो दिसतात. ताची भास सार्की संपी, पूण सबीत आनी खतखतीत.
ताचो मुखेल विशय म्हळ्यार खुर्सार मारललो सडवणार. एके वाटेन, जेजू देवाचो पूत म्हण खूद बाप, देवचार आनी मनशां परियान ताके गवाय दितात; आनी जेजू आपुणूच विस्मितां करूं. देवचार काडून, आपणाक पात्कां भगसुंची पद्वी आसा म्हण दाखवन, आदी, हें सत रुजू कर्ता. पूण, दुस्रे वाटेन, जुदेव लक जेजू देवाचो पूत म्हण संपेपणीं मानून घेना, जुदेवांचे अधिकारी ताचे दुस्मान जातात, ताचे शीस लेगून ताका संजनांत; ताचेर विरध इतलो चडता की ताका नांच करुंक चड-चड लजेची आनी वळवळ्यांची शिक्षा ताका रमी सर्कारा कडची मागून घेतात : ताका खुर्सार मार्तात.
हें सगळें देवाचे गुडार्त येवजणे पर्माणें घडलें आनी देवानूच जेजूक पुनर्जिवंत करून आपणें नेंलल्या क्रिसत-सडवणाराक व्हडलें जयत दिलें म्हण मार्कू आपल्या शुुभवर्तमानांत सांग्ता.
शुभवर्तमानाची सुर्वात : १ ; १-१३
गालिलेइयांत जेजुचो भवशीक वावर : १ : १४-९:५०
गालिलेइयांत थावन जेरुसाल्याक : १० : १-५२
जेजुचें निमाणें सातळें : ११: १-१५:४७
जेजुचें पुनर्जिवंत्पण : १६ : १-८
जेजुचीं दर्शनां आनीस अर्ग-प्रवेस : १६ : ९-२०
This article uses material from the Wikipedia गोंयची कोंकणी / Gõychi Konknni article मार्कू पर्माणें जेजू क्रिसताचें शुभवर्तमान, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.