پاچ ٚ باقالا ایته نؤع باقالا ايسه کي مخصۊص گيلان ايسه ؤ شأ گۊتن کي فقط ايران ٚ مئن دره ؤ باخي کيشوران ٚ مئن بهشکل عمۊمي ننأ.
گيلان تنها اۊستاني ايسه کي اۊن ٚ مئن پاچ ٚ باقالا بکاشته به. پاچ ٚ باقالا، باقالا خۊرۊش ٚ چأگۊدن ٚ وأسي ايستفاده به ؤ أ خۊرۊش ٚ أصلي ماده ايسه. أ محصۊل برداشت ؤ مصرف زماتی أنجام گیره کي اۊن ٚ غلاف ٚ رؤشد خۊ ويشترين حد-أ رسئه. هرته غلاف ٚ مئن معمۊلا ۳ تا ۵ دانه باقالا دره. أ غلاف ٚ رنگ باقالا برسئن ٚ پسي تغيير کۊنه. أ محصۊل گيلان ٚ مئن دۊته پئيز ؤ وهار ٚ فصلان ٚ دۊرۊن کشت به.
پاچ ٚ باقالا پۊر جه مۊختلف خاصيتان ايسه ؤ اۊن ٚ خۊردن بدن ٚ وأسي مۊفيده. پاچ ٚ باقالا دۊرۊن رۊی ؤ آهن دره ؤ بدن ٚ ايمني سيستم-أ تقويت کۊنه. آنتي اؤکسيداني کي پاچ ٚ باقالا مئن یافت به سرطان ؤ مخصۊصا سينه سرطان ٚ جه جۊلؤگيري کۊنه ؤ أ ناخۊشي بهبۊد ٚ مئن ني پۊر مؤثر ايسه. أ نؤع باقالا خۊ آهن ٚ وأسي، کم خۊني ؤ آهن ٚ فقر-أ درمان کۊنه. پاچ ٚ باقالا ويتامين C ؤ آنتي اؤکسيدان زياد دأره ؤ أشأن پيري مانع ايسد. فيبري کي پاچ باقالا دۊرۊن نهأ بدن ٚ کؤلسترؤل-أ کم کۊنه ؤ أن ديل ٚ ناخۊشي جه جۊلؤگيري کۊنه. هأتؤني ويتامين C ؤ باخي ويتاميناني کي أ باقالا مئن نهأده ديم ؤ بدن ٚ پۊس ٚ وأسي پۊر مۊفيد ايسده.
پاچ ٚ باقالا ايته عاميانه اصطلاح ني گيلکي زوان ٚ دۊرۊن ايسه ؤ معمۊلا اۊشاني-أ کي کۊتا قد ايسد، شؤخي وأسي پاچ یا پاچ باقالا گۊته به.
This article uses material from the Wikipedia گیلکی article پاچ ٚ باقالا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). دله (محتوا) CC BY-SA 4.0 مئن دسفأرسه مگر اين کي اۊنˇ خلاف بۊته بۊبۊن. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki گیلکی (DUHOCTRUNGQUOC.VN) is an independent company and has no affiliation with Wiki Foundation.