خؤسه پدرؤ بالماسدا پاسکال (ايسپانيايي مئن: Jose Pedro Balmaceda Pascal؛ بزارۊج ۲ آوريل ۱۹۷۵) ايته بازيگره کي شيلي شين ايسه.
پاسکال-أ ويشتر اۊن ٚ بازي گۊدن گیم آو ترؤنز ٚ سریال ٚ مئن اؤبرين مارتل ٚ نخش ٚ أمرأ ؤ نارکؤس ٚ سریال ٚ مئن خاوير پنیا نخش ٚ أمرأ شناسده. اۊن هأتؤني مندلؤرين ٚ سریال ٚ مئن مندؤ نخش-أ بازي بۊگۊده کي أ سریال ٚ أصلي شخصيت ايسه. پاسکال آخري أمي مئن ٚ جه (The Last of Us) سریال ٚ مئن ني کي ايته مأرۊف ٚ ويديؤئي بازي سر چأگۊده بۊبؤسته، جؤل ٚ نخش-أ بازي کۊنه کي ايته جه أ سریال ٚ أصلي شخصيتان ايسه.
پدرؤ پاسکال | |
---|---|
پدرؤ پاسکال ۲۰۱۷ سال ٚ مئن | |
أصلي نام | خؤسه پدرؤ بالماسدا پاسکال |
بزارۊج | ۲ آوریل ۱۹۷۵ |
بزاجيگا | سانتياگؤ، شيلي |
زيوش ٚ جيگا | نيۊىؤرک، آمريکا |
کار | بازيگر |
کار گۊدن ٚ سالان | ۱۹۹۶-هأسأ |
پئر ؤ مار | خؤسه بالماسدا، ورؤنيکا پاسکال |
وبجيگا | پدرؤ پاسکال ٚ آیامديبي ولگ |
ایمضا |
خؤسه پدرؤ بالماسدا پاسکال ۲ آوريل ۱۹۷۵ مئن، شيلي سانتياگؤ مئن دۊنىا بأمؤ. اۊن ٚ مار ورؤنيکا پاسکال بۊ کي روان شيناسي گۊدي ؤ اۊن ٚ پئر خؤسه بالماسدا، پجشک ايسه. پدرؤ ايته پيله خاخۊر دأره کي خاويئرا نام دأره ؤ دۊته کۊچي برار نيکؤلاس ؤ لۊکاس ٚ نامان ٚ أمرأ دأره. پدرؤ پاسکال ٚ مار، آندرس پاسکال آىنده أمرأ فاميل بۊ. آندرس پاسکال شيلي مئن ايته اينقلابي جۊمبش-أ رابري گۊدي ؤ اۊن ٚ هدف آگۊستؤ پينؤشه ديکتاتؤري وچئن بۊ. پدرؤ گئه کي خۊ پئر ؤ مار ني آندرس پاسکال-أ دۊمبال گۊديد ؤ اۊن ٚ مۊقاومتي جرگهئن ٚ مئن فعال بۊد. هأن ٚ وأسي پدرؤ خانواده شيلي جه بۊگؤرؤختد ؤ شيلي ونزۊئلا سفارت ٚ مئن جۊخۊفتد ؤ بأزين ني دانمارک ٚ جه سياسي پناهندگي فيگيتد. آخرپسي خۊ خانواده أمرأ بۊشؤد آمريکا مئن کي اۊىه زيوش بۊکۊند. پاسکال کاليفؤرنیا اؤرنج کانتي ؤ تگزاس ٚ سأن آنتؤنيؤ مئن پيله-أ بؤسته. اۊن أول سيناو-أ علاقي دأشتي ؤ خۊ ىازده سالگي مئن تگزاس ٚ ايالت ٚ قأرماني مسابقهئن ٚ مئن شرکت بۊگۊده ولي بازيگري کلاسان ٚ شرۊع گۊدن ٚ پسي، سيناو-أ ويل-أ گۊده.
پدرؤ اؤرنج کانتي هۊنر ٚ مدرسه مئن درس بخانده ؤ نيۊىؤرک ٚ دانشگاه جه ۱۹۹۷ ميلادي سال ٚ مئن خۊ مدرک-أ فيگيته. پدرؤ خۊ مار ٚ فؤت ٚ پسي، اۊن ٚ فاميلي جه کي پاسکال ايسه خۊ فاميلي عوض ىأني بالماسدا، ايستفاده کۊنه تا خۊ مار ٚ ىاد-أ زنده بدأره.
This article uses material from the Wikipedia گیلکی article پدرؤ پاسکال, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). دله (محتوا) CC BY-SA 4.0 مئن دسفأرسه مگر اين کي اۊنˇ خلاف بۊته بۊبۊن. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki گیلکی (DUHOCTRUNGQUOC.VN) is an independent company and has no affiliation with Wiki Foundation.